Նահապետ Ռուսինյան

Գրող, փիլիսոփա, մանկավարժ

Էմանուել Եսայան

Դրամատուրգ, բանաստեղծ

Ռուբեն Բեդրոսով

Գրաֆիկ, գեղանկարիչ

Արամ Սամուելյան

Օպերային երգիչ

Արմեն Գրիգորյանց

Բեմանկարիչ

Գրիգոր Բադալյան

Քանդակագործ

Արամ Գրիգորյան

Գրականագետ

Շահեն Խաչատրյան

Արվեստաբան

Երվանդ Բիչախչյան

Գեղանկարիչ

Ռաֆայել Ավնիկյան

Բալետի արտիստ, պարուսույց

Արամ Նիկոլյան

Դիզայներ

Հովհաննես Ազոյան

Դերասան, հաղորդավար

 

 

 

 

ՊԵՏՐՈՍ ՍԻՄԵՈՆՅԱՆ

Լրագրող, մանկավարժ

19 նոյեմբեր, 1830 - 26 սեպտեմբեր, 1911

Պետրոս Սիմոնյան, Սիմեոնյանց

Ծնվել է Թոփթի գյուղում (այժմ՝ Ղրիմ գյուղ, ՌԴ Ռոստովի մարզի Մյասնիկյանի շրջանում): Սկզբնական կրթությունն ստացել է Նոր Նախիջևանի (այժմ՝ Դոնի Ռոստով) Սբ. Խաչ վանքում։ 1849թ. ավարտել է Մոսկվայի Լազարյան ճեմարանը, 1851-53թթ սովորել Դորպատի համալսարանում։ Այնուհետև հաստատվել է Թիֆլիսում, եղել Գրիգոր Արծրունու և Անդրեաս Արծրունու դաստիարակը, աշխատել Ներսիսյան դպրոցում, որպես ուսուցիչ և տեսուչ, միաժամանակ զբաղվել լրագրական և հասարակական գործունեությամբ։ Մասնակցել է Գայանյան օրիորդաց դպրոցի հիմնադրմանը (1869թ.)։ 1863-86թթ եղել է «Մեղու Հայաստանի» շաբաթաթերթի (1873թ-ից՝ օրաթերթ), 1887-91թթ՝ Էջմիածնի «Արարատ» հանդեսի խմբագիրը։ 1890-ական թվականների 1-ին կեսին վարել է Հայոց կաթողիկոս Մկրտիչ Ա Վանեցու (Խրիմյան) քարտուղարի պարտականությունները։ Այնուհետև վերադարձել է Թիֆլիս։ Պատկանելով ազգային-պահպանողական հոսանքին՝ գերագնահատել է Հայոց եկեղեցու դերը ազգի պահպանման և միավորման գործում։ Միաժամանակ, մայրենի լեզվի, գրականության զարգացման և դպրոցների բարեկարգման հարցում իր դիրքորոշմամբ, ցարիզմի ազգաձուլման քաղաքականության պայմաններում, իր հրապարակախոսական հոդվածներով նպաստել է հայ ժողովրդի ինքնագիտակցության բարձրացմանը։ Հեղինակել է դպրոցական ձեռնարկներ: Մահացել է Թիֆլիսում: