Ղուկաս Ինճիճյան

Բանասեր, աշխարհագրագետ

Հայկ-Հակոբ Տետեյան

Թարգմանիչ, հրատարակիչ

Անանիա Սուլթանշահ

Մշակութային գործիչ, բժիշկ

Խնկո Ապեր

Մանկագիր, բանաստեղծ

Հայկ Դավթյան

Ճարտարապետ

Հակոբ Մկրտչյան

Լեզվաբան, բարբառագետ

Սարգիս Աղամալյան

Օպերային երգիչ

Գոհար Գասպարյան

Հաղորդավար

Մանե Գրիգորյան

Հաղորդավար

 

 

 

 

ԲՈՐԻՍ ԱՆԴՐԵԱՍՅԱՆ

Կիթառահար, կոմպոզիտոր

Ծնվել է 1953թ. հոկտեմբերի 10-ին, Երևանում: 14 տարեկան հասակից ինքնուս սովորել է նվագել կիթառ: Կատարել է տարբեր ոճերի երաժշտություն` ժամանակակից և սմութ ջազ, ֆյուժն, բլյուզ, ֆլամենկո, ֆոլկ, ռոք, փոփ, ֆանք, սակայն նրա նախընտրելի ոճը ֆյուժնն է: Նվագում է տարբեր գործիքների վրա` ստեղնաշարային, հարվածային, լարային` բաս կիթառի, բանջոյի, բուզուկիի, թառի, ուդի: 1968թ. կայացել է նրա առաջին ելույթը «Ամպրոպ» նվագախմբի հետ: 1969թ. համերգներով հանդես է եկել «Վուլկան» նվագախմբի հետ: 1970թ. ստեղծել է առաջին «1+2» երաժշտախումբը, որի հետ ելույթներ է ունեցել ճանաչված երգիչների ու երաժիշտներ հետ: Նույն թվականին Երևանում նվագել է Վլադիմիր Վիսոցկու հետ: 1971թ. աշխատել է «Ռադիոսարքավորումների կոնստրուկտորա-տեխնիկական բյուրո» ընկերությունում` որպես ակումբի վարիչ և էստրադային նվագախմբի ղեկավար: 1972-74թթ ծառայության տարիներին, Տոբոլսկ և Տյումեն քաղաքներում անցկացվող երիտասարդական երգի և նվագախմբերի մրցույթներում, իր «Молодость» զինվորական նվագախմբի հետ միասին, գրավել է 1-ին տեղը, ստացել 1-ին կարգի դիպլոմ և դարձել դափնեկիր: 1974-75թթ աշխատել է «Արմինա» վոկալ-գործիքային նվագախմբում, որի հետ 1975թ. Մոսկվայում կայացած էստրադային արտիստների 5-րդ համամիութենական մրցույթում արժանացել է դափնեկրի կոչման: 1975-78թթ աշխատել է Կ.Օրբելյանի ղեկավարած Հայաստանի պետական ջազ նվագախմբում` որպես սոլո կիթառահար և երգիչ: Այդ տարիներին համերգային հյուրախաղերով հանդես է եկել բազմաթիվ երկրներում: 1977թ. Բելգրադում կայացած համաշխարհային ջազ փառատոնում, Հայաստանի պետական ջազ նվագախմբի հետ, համատեղ համերգում ելույթ է ունեցել ամերիկացի երաժիշտներ դաշնակահար Ջորջ Դյուկի, շեփորահար Ֆրեդի Հաբերդի, թմբկահար Լեոն Չանսլերի, բաս կիթառահար Բայրոն Լի Միլլերի և կիթառահար Չարլզ Ֆրանկ Ջոնսոնի հետ: 1978-79թթ աշխատել է Հայաստանի ազգային հեռուստատեսության և ռադիոյի կոմիտեի վոկալ-գործիքային անսամբլում: 1981թ. նվագել է Մոսկվայի «Ջազ Ատակա» անսամբլում: 1982-89թթ «Արմենիա» երաժշտախմբի հետ աշխատել է «Արմենիա» հյուրանոցի ռեստորանում: 1983թ. ստացել է երկու պատվոգիր` ջազ անսամբլների ստուգատեսին մասնակցելու և ջազ երաժշտությունը Հայաստանում հաջողությամբ պրոպագանդելու համար: 1991-95թթ բնակվել է ԱՄՆ-ում, որտեղ նվագել է անվանի երգիչների և երաժիշտների հետ: 1999թ. համագործակցել է «Time Report» խմբի հետ: 2001թ. նվագել է Արա Գևորգյանի գալահամերգին` նվիրված Հայաստանում քրիստոնեության ընդունման 1700-ամյակին: 2002-04թթ բնակվել և աշխատել է Մոսկվայում: 2006թ. ընկերական հանդիպում է ունեցել Մայքլ Ջեքսոնի եղբոր` «Ջեքսոն 5» երաժշտախմբի բաս կիթառահար Ջերմեյն Ջեքսոնի հետ, որն ուղեկցվել է երաժշտական կատարումներով: Նույն թվականին իր նվագախմբով աշխատել է «Մալխաս» ջազ ակումբում: Հեղինակել է տասնյակ ստեղծագործություններ` «Սոխակի երգը», «Հույս», «Սուրբ հայրերի կանչը», «Արարում», «Զարթոնք», «Պայքար», «Դու ինձ կփնտրես», «Հավատ», «Վերածնունդ» և այլն: Արժանացել է բազմաթիվ պատվոգրերի Հայաստանի կոմպոզիտորների միության, ՀՀ մշակույթի նախարարության, Հայգլխհամերգ կոմիտեի, Հայպետֆիլհարմոնիայի և այլ կազմակերպությունների կողմից:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար