Սարգիս Տիգրանյան

Թատերագետ, թարգմանիչ

Գևորգ Ասատուր

Բանասեր, թարգմանիչ

Ժիրայր Օրագյան

Գեղանկարիչ

Արամ Խաչատրյան

Կոմպոզիտոր, դիրիժոր

Սերգեյ Արուտչյան

Բեմանկարիչ

Քըրք Քըրքորյան

Գործարար, կինոգործիչ

Լաերտ Վաղարշյան

Կինոռեժիսոր

Հրայր Խանեդանյան

Օպերային երգիչ, կոմպոզիտոր, գեղանկարիչ

Սերժ Սիմոնյան

Երաժիշտ, դիջեյ

Ալեն Մանուկյան

Կինոռեժիսոր

 

 

 

 

ԱՐՄԵՆ ՀՅՈՒՍՆՈՒՆՑ

Սաքսոֆոնահար

Ծնվել է 1966թ. դեկտեմբերի 28-ին, Երևանում: 1979թ. ավարտել է Երևանի Սայաթ-Նովայի անվան երաժշտական դպրոցի դաշնամուրի, 1984թ.՝ սաքսոֆոնի դասարանը: 1984թ. ընդունվել է Երևանի Կոմիտասի անվան պետական կոնսերվատորիայի նվագարանի բաժին: 1993թ. ավարտել է նաև ասպիրանտուրան: 1987թ-ից սաքսոֆոն է դասավանդել Երևանի երաժշտական դպրոցներում: 1988-89թթ նվագել է Կ.Օրբելյանի ղեկավարած Հայաստանի պետական ջազային նվագախմբում: 1989-93թթ համագործակցել է Արտաշես Քարթալյանի հետ և դարձել Երևանի պետական Կամերային թատրոնի ջազ քառյակի անդամ: 1990թ. հրավիրվել է Հայաստանի ազգային հեռուստատեսության և ռադիոյի սիմֆոնիկ ջազային նվագախումբ, որտեղ երկու տարի հանդես է եկել որպես սաքսոֆոնահար: Հետագայում, Խաչատուր Սահակյանի հետ, ստեղծել է «Time Report» էթնիկ ջազ-կվինտետը, որտեղ կատարվել են նրա ստեղծագործությունները և հայերեն երգերը, որոնք զետեղվել են խմբի ձայնասկավառակներում: 1992-2004թթ համագործակցել է Հայաստանի պետական ֆիլհարմոնիկ նվագախմբի հետ, որպես հրավիրյալ սաքսոֆոնահար: Միևնույն ժամանակ, 1997-2005թթ, հանդես է եկել Հայաստանի պետական ջազային նվագախմբում, որպես երաժշտական ղեկավար և մենակատար: 1988թ., Արտո Թունջբոյաջյանի հրավերով, նվագել է «Armenian Navy Band» խմբում: 2000թ. հիմնադրել է «ԱրտաՍաքս» սաքսոֆոնային քառյակը: 2000-07թթ մասնակցել է Ֆեյրուզի և Զիադ Ռահբանիի համերգներին և ձայնագրություններին, իսկ 2002-07թթ՝ «Jazz Appreciation Month» միջազգային փառատոներին: 1994-97թթ դասավանդել է Երևանի էստրադային և ջազային արվեստի պետական քոլեջում, 1999-2005թթ` Երևանի Կոմիտասի անվան պետական կոնսերվատորիայում: Մասնակցել է մի շարք միջազգային փառատոների, տարբեր խմբերի հետ շրջագայել է ԱՄՆ-ում, Եվրոպայում, Ճապոնիայում, Միջին Արևելքում և այլուր: Նվագել է այնպիսի երաժիշտների հետ, ինչպիսիք են Չիկ Կորեան, Արմեն Դոնելյանը, Ջո Զավինուլը, Բիլլի Կոբհեմը և այլք: 2008թ-ից դասավանդում է Երևանի Ա.Տերտերյանի անվան երաժշտական դպրոցում: 2010թ-ից Հայաստանի պետական ջազային նվագախմբի գեղարվեստական ղեկավարն ու դիրիժորն է, 2011թ-ից «Պենման» խմբի անդամ: 2011թ. արժանացել է Հայաստանի արվեստի վաստակավոր գործչի կոչման:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար