Զաքար Զաքարյան

Գեղանկարիչ

Գրիգոր Զոհրապ

Արձակագիր, պետական գործիչ, հրապարակախոս

Արտեմի Այվազյան

Կոմպոզիտոր, թավջութակահար

Արտո Չաքմաքչյան

Քանդակագործ

Ռուբեն Աբովյան

Գեղանկարիչ

Շոթա Ոսկանյան

Գեղանկարիչ, քանդակագործ

Ալլա Լևոնյան

Երգչուհի, երգահան

Դավիթ Գրիգորյան

Բալետի արտիստ, պարող

 

 

 

 

ՌՈՒԴՈԼՖ ՎԱԹԻՆՅԱՆ

Կինոօպերատոր

Ծնվել է 1941թ. մայիսի 12-ին, Բաքվում: Վաղ հասակից տեղափոխվել է Դիլիջան, որտեղ 1959թ. ավարտել է թիվ 1 միջնակարգ դպրոցը: Զբաղվել է նկարչությամբ, քանդակագործությամբ և մոդելագործությամբ: Հետագայում սկսել է զբաղվել լուսանկարչությամբ և ընդունվել աշխատանքի տեղական թերթի խմբագրություն: 1965-69թթ սովորել է Մոսկվայի կինեմատոգրաֆիստների համամիութենական ինստիտուտի օպերատորական բաժնում: 1970թ-ից աշխատել է «Հայֆիլմ» կինոստուդիայում` որպես կինոօպերատոր: Ավարտելուց հետո, աշխատել է որպես երկրորդ օպերատոր Սերգեյ Իսրայելյանի մոտ՝ «Խաթաբալա» ֆիլմում: Նկարահանել է շուրջ 35 ֆիլմ: Որպես օպերատոր հանդես է եկել հետևյալ ֆիլմերում` «Հայկական որմնանկարներ» (1973թ.), «Դեղին թոնիրը» (1974թ.), «Անլռելի գույներ» (1974թ.), «Այս կանաչ, կարմիր աշխարհը» (1975թ.), «Օգոստոս» (1976թ.), «Մեքենան տանիքի վրա» (1977թ.), «Խոհարարները եկել են մրցույթի» (1977թ.), «Հին օրերի երգը» (1982թ.), «Մեր մանկության տանգոն» (1984թ.), «Դեպք հուլիսին» (1985թ.), «Շնչառություն» (1988թ.), «Փարաջանով, վերջին կոլաժ» (1995թ.), «Դեռ ապրում ենք» (1996թ.), «Ներկայություն» (1998թ.), «Ուրախ ավտոբուս» (2000թ.), «Հին հռոմեական ճանապարհին» (2001թ.), «Քրմուհին» (2007թ.), «Տխուր փողոցի լուսաբացը» (2008թ.), «Սիրով և երախտագիտությամբ» (2008թ.), «Հայաստանի դիոգենեսները» (2008թ.) և այլն: 1980թ-ից դասավանդել է Երևանի Խ.Աբովյանի անվան մանկավարժական ինստիտուտի կուլտուրայի ֆակուլտետում, 1994թ-ից` Երևանի թատրոնի և կինոյի պետական ինստիտուտում` որպես կինոարվեստի ամբիոնի վարիչ (պրոֆեսոր): Հայաստանի կինեմոտոգրաֆիստների միության քարտուղարն է: «Տակառագործը», «Օգոստոս», «Տեր ողորմյա» ֆիլմերի համար արժանացել է «Լավագույն օպերատոր» մրցանակի: 1984թ. արժանացել է Հայաստանի արվեստի վաստակավոր գործչի կոչման, կրկնակի արժանացել է ՀՀ Պետական մրցանակի, 2009թ.` «Մովսես Խորենացի» մեդալի, 2011թ.` ՀՀ մշակույթի նախարարության ոսկե մեդալ և Հայաստանի կինոմիության «Մշակույթի ասպետ» մեդալի:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար