Ստեփանոս Թոխաթցի

Բանաստեղծ, գրիչ

Վարդան Մեշտուճյան

Արձակագիր, պատմաբան, թարգմանիչ

Սիամանթո

Բանաստեղծ

Վեներա Հակոբյան

Դերասանուհի

Վահագն Դավթյան

Բանաստեղծ, թարգմանիչ

Զարեհ Մելքոնյան

Բանաստեղծ, դրամատուրգ

Աբել Սիմոնյան

Պատմաբան

Արթուր Այդինյան

Օպերային երգիչ

Մայք Քոնորս

Դերասան

Գեորգի Գարանյան

Սաքսոֆոնահար, կոմպոզիտոր

Պողոս Հայթայան

Արվեստաբան

Սիլվի Վարդան

Երգչուհի

Հրաչյա Քեշիշյան

Ռեժիսոր, պրոդյուսեր

Անդրանիկ Բերբերյան

Կոմպոզիտոր, դիրիժոր

 

 

 

 

ԿԱՐԵՆ ՋԱՆԻԲԵԿՅԱՆ

Դերասան

1 հուլիս, 1937 - 22 մարտ, 2015

Ծնվել է Երևանում: Եղել է դերասան Գուրգեն Ջանիբեկյանի որդին: 1964թ. ավարտել է Երևանի գեղարվեստաթատերական ինստիտուտը: 1953թ-ից, ընդհատումներով, աշխատել է Երևանի Գ.Սունդուկյանի անվան ազգային ակադեմիական, 1966-67թթ` Թբիլիսիի Պ.Ադամյանի անվան հայկական դրամատիկական, 1991թ-ից` Երևանի Համազգային թատրոններում` որպես դերասան: Խաղացել է բազմաթիվ ներկայացումներում` Ն.Զարյանի «Հացավան» (Գրիգոր), Գ.Հաուպտմանի «Մայրամուտից առաջ» (Վինտեր), Մ.Բուլգակովի «Մոլիերի կյանքը» (Մոլիեր), Յ.Օ'նիլի «Սերը ծփիների տակ» (Քեբոտ), Վ.Սարոյանի «Մի գավաթ բարություն» (Ջոուն), Է.դե Ֆիլիպպոյի «Սանիտայի թաղապետը» (Ֆաբիո) և այլն: 1970-ականներից խաղացել է նաև հեռուստաթատրոնում` Ջ.Պատրիկի «Տարօրինակ միսիս Սնիջ», Ս.Խանզադյանի «Մատյան եղելության», Հ.Մաթևոսյանի «Չեզոք գոտի» և այլն: 1961թ-ից նկարահանվել է ավելի քան 50 ֆիլմում` «Արտակարգ հանձնարարություն» (1965թ.), «Սովի ժամանակներից» (1966թ.), «Չախ-չախ թագավորը» (1969թ.), «Մորգանի խնամին» (1970թ.), «Քաոս» (1973թ.), «Աշնան արև» (1977թ.), «Արևիկ» (1978թ.), «Խոշոր շահում» (1980թ.), «Մեզանից երեքը» (1987թ.), «Դեմքով դեպի պատը» (1989թ.), «Արյուն» (1990թ.), «Որտեղ էի՞ր, մարդ Աստծո» (1992թ.), «Ընկեր Փանջունի» (1993թ.), «Լաբիրինթ» (1995թ.), «Երևան ջան» (2003թ.), «Լովեմբեր» (2004թ.), «Արահետ» (2005թ.), «Անառակ որդու վերադարձը» (2007թ.), «Փասիանի որսորդը» (2013թ.), «Ապակե կախազարդ» (2013թ.), «Կիսալուսնի ծովածոցը» (2014թ.), «Լուսավոր շրջան» (անավարտ, 2015թ.) և այլն: Արժանացել է բազմաթիվ մրցանակների, պատվոգրերի, ՀՀ մշակույթի նախարարության և ՀԹԳՄ ոսկե մեդալների, 2009թ.` ՀՀ «Մովսես Խորենացի» մեդալի, 2004թ.` Հայաստանի վաստակավոր, 2010թ.` ժողովրդական արտիստի կոչման: Մահացել է Երևանում: