ՌՈԲԵՐՏ ԳԱՍՊԱՐՅԱՆ

Ծնվել է 1989թ. ապրիլի 2-ին, Երևանում: Մինչև 1999թ. բնակվել և սովորել է Մոսկվայում և եղել է «Սեզամ Փողոց» հաղորդման դերասան: 2005թ. ավարտել է Երևանի Մ.Սարյանի անվան թիվ 86 միջանակարգ դպրոցը: 2005-09թթ սովորել է Եվրոպական կրթական տարածաշրջանային ակադեմիայի միջազգային հարաբերությունների և դիվանագիտության ֆակուլտետում: Դպրոցական և ուսանողական տարիներին զբաղվել է լրագրությամբ: 2000-02թթ աշխատել է «Երևան», 2003-04թթ` «Հայ TV», 2008-09թթ` «Երկիր Մեդիա» հեռուստաընկերություններում: Եղել է «Գոյության եզերք», «Տառերի մոլորակ» և «Բարի լույս» հաղորդումների լրագրող, վարող ու «Կռվախնձոր» հաղորդման համահեղինակ և լրագրող: 2011-13թթ աշխատել է «Արմնյուզ» հեռուսաընկերությունում` որպես մարզական լուրերի մեկնաբան ու լրագրող, 2013-16թթ՝ Հայաստանի հանրային հեռուստաընկերությունում որպես մարզական լուրերի մեկնաբան: