ԱԼԵՔՍԱՆԴՐ ԳԱՍՊԱՐՅԱՆ

Ծնվել է 1974թ. մարտի 10-ին, Երևանում: Բեմադրիչ Հրաչյա Գասպարյանի որդին է, դերասանուհի Արմինե Անդրեասյանիամուսինը: 1991-96թթ սովորել է  Երևանի թատրոնի և կինոյի պետական ինստիտուտի ռեժիսուրայի բաժնում: 1995-96թթ աշխատել է Երևանի Պատանի հանդիսատեսի թատրոնում: 1997թ-ից աշխատում է Երևանի Ս.Սարգսյանի անվան պետական Համազգային թատրոնում` որպես դերասան: 2008թ-ից դասավանդում է Երևանի թատրոնի և կինոյի պետական ինստիտուտում: Խաղացած ներկայացումներից են Կ.Մանյեի «Օսկար» (Իգոր), Է.Ռոստանի «Ռոմանտիկները» (Բլեզ), Ա.Չեխովի «Հոբելյան» (Չինովնիկ), Ե.Շվարցի «Վիշապը» (Քաղաքացի), «Ձյունե թագուհի» (Հյուսիսային եղջերու), Ռ.Ծատուրյանի «Նոր դարի հեքիաթը» (Վիշապ), «Հեքիաթն է կանչում» (Բուրատինո), «Ամանորյա իրարանցում» (Ջին), Հ.Հովհաննիսյանի «Վիշապի տարի, գալդ բարի» (Վիշապիկ), Ա.Աղասարյանի «Անբան Հուռի» (Անպոչ քուռիկ), Ռ.Մարուխյանի «Ամենալավ տունը» (Ավազակ), Ա.Սիմոնյանի «Սպիտակաձյունիկը և 7 թզուկները» (Ճշտախոս): Նկարահանվել է «Բնակարան համար 2» հեռուստասերիալում: 2001թ. Ֆրանսիայում և Բելգիայում մասնակցել է «Ֆիտա» միջազգային փառատոնին` «Ընտրություն» ներկայացումով: 2008թ. Մոսկվայում մասնակցել է «Կարոտ» հայկական փառատոնին, որտեղ խաղացել է Պ.Զեյթունցյանի «Ոտքի, դատարանն է գալիս» ներկայացման մեջ, թուրք փաշայի դերով, որի համար արժանացել է դիպլոմի: