Ալեքսանդր Արղության

Պետական գործիչ, հրապարակախոս

Նինա Սաղյան

Դաշնակահար

Թամար Մելքումյան

Դերասանուհի

Արամ Թաթուլյան

Դաշնակահար

Մուշեղ Գալշոյան

Արձակագիր, լրագրող

Գայանե Վարդիկյան

Դերասանուհի

Արման Աղաջանյան

Կինոռեժիսոր, երգիչ

Աշոտ Գաբրիելյան

Բանաստեղծ

Հասմիկ Վարդանյան

Թավջութակահար

Էվա Խաչատրյան

Դերասանուհի

Լարա Առաքելյան

Հաղորդավար, լրագրող

 

 

 

 

ԳԵՎՈՐԳ ԲԱՇԻՆՋԱՂՅԱՆ

Գեղանկարիչ

16 սեպտեմբեր, 1857 - 4 հոկտեմբեր, 1925

Ծնվել է Թիֆլիսի գուբերնիայում` Սղնախում: 1876-78թթ սովորել է Թիֆլիսի գեղարվեստը խրախուսող կովկասյան ընկերության գեղանկարչության և քանդակագործության դպրոցում, 1879-83թթ` Սանկտ Պետերբուրգի գեղարվեստի ակադեմիայում: «Կեչիների պուրակ» բնանկարի համար արժանացել է Սանկտ Պետերբուրգի գեղարվեստի ակադեմիայի արծաթե մեդալի: Ուսումն ավարտելուց հետո վերադարձել է Թիֆլիս, ապա շրջագայել է Հայաստանում: Ստեղծել է Դիլիջանի, Սևանի, Արարատյան դաշտի բնապատկերներ, որոնք ցուցադրել է Թիֆլիսում: 1884թ. Իտալիայում ծանոթացել է վերածննդի և հետագա շրջանների եվրոպական արվեստին, ճամփորդել Շվեյցարիայում: Հիմնականում բնակվել և ստեղծագործել է Թիֆլիսում, իսկ 1899-1901թթ` Փարիզում: Մոտ 40 տարի ցուցահանդեսներ է կազմակերպել Կովկասի հայաբնակ քաղաքներում, Սանկտ Պետերբուրգում, Մոսկվայում ու Փարիզում: Շուրջ 1000 նկարի հեղինակ է, որոնց մեծ մասը բնանկար է: Նրա ստեղծագործության մեջ բնանկարչությունն ինքնուրույն ժանրի նշանակություն է ստացել: Եղել է խաղաղ բնության նկարիչ: Նրա արվեստին խորթ են փոթորկի, ալեկոծման տեսարանները: Գործերում պատկերել է խաղաղ ջրերի զուլալությունը, երկնաքեր լեռների վեհությունը, կապուտակ երկնքի և արևաշող դաշտերի առասպելական գեղեցկությունը: Նրա ստեղծագործություններում գերակշռում են Սևանն ու Արարատը պատկերող տեսարանները: Ավելի հայտնի գործերից են՝ «Արարատ», «Կեչիով բնանկար», «Ձնհալը Կովկասում», «Անդորրություն», «Ալազանի հովիտը», «Արարատը և Արաքս գետը», «Սանահինի ձորը», «Զանգեզուրի լեռներում» և այլն: Գրել է նաև պատմվածքներ, նովելներ, պիեսներ, հոդվածներ` արվեստի ու գրականության վերաբերյալ, եռանդուն գործունեություն ծավալել Սայաթ-Նովայի տաղերի հավաքման և հրատարակման, նրա մահարձանի կառուցման, հայ ճարտարապետական կոթողների նորոգման համար: Նրա ստեղծագործությունների գերակշռող մասը պահվում է Հայաստանի ազգային պատկերասրահում: Մահացել է Թիֆլիսում: Նրա անունով Երևանում կոչվել է փողոց:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար