Մուրացան

Արձակագիր

Հայրապետ Հայրապետյան

Մանկագիր, թարգմանիչ

Հակոբ Կոջոյան

Գեղանկարիչ

Շառլ Ժերար

Դերասան, կինոռեժիսոր

Հրանտ Բեգլարյան

Կոմպոզիտոր

Իգիթ Ղարիբյան

Պատմաբան, հնագետ

Հովհաննես Պապիկյան

Լրագրող, հրապարակախոս

Արմեն Դոնելյան

Դաշնակահար, կոմպոզիտոր, ջազմեն

Ալիս Կապլանջյան

Դերասանուհի

Վիլիկ Զաքարյան

Գեղանկարիչ

Սերժ Ավետիքյան

Դերասան, կինոռեժիսոր

Հմայակ Հակոբյան

Դերասան, աճպարար

Կարինե Բաբաջանյան

Օպերային երգչուհի

Անի Քոչարյան

Դերասանուհի

 

 

 

 

ԳԵՈՐԳԻ ՅԱԿՈՒԼՈՎ

Գեղանկարիչ, բեմանկարիչ

2 հունվար, 1884 - 28 դեկտեմբեր, 1928

Գևորգ Յակուլյան

Ծնվել է Թիֆլիսում: 1893թ. ընտանիքի հետ տեղափոխվել է Մոսկվա: 1898-1901թթ սովորել է Մոսկվայի Լազարյան ճեմարանում, 1901–03թթ՝ գեղանկարչության, քանդակագործության և ճարտարապետության ուսումնարանում: 1903թ. կամավոր ծառայել է Կովկասյան գնդում, 1904-05թթ մասնակցել է ռուս-ճապոնական պատերազմին: Մասնագիտացել է ինքնակրթությամբ: Կատարել է էտյուդներ Մանջուրիայում, Սև ծովի կովկասյան ափերին, ուսումնասիրել է բնության տարբեր երևույթներ, չինական գծանկարչության ոճի ու ռիթմի ծագման խնդիրները: Ստեղծագործել է հիմնականում բեմանկարչության, գեղանկարի և գրաֆիկայի բնագավառներում: «Ձիարշավ», «Ամբոխի մարդը», «Կաֆե-շանտան» և այլ գործերով Մոսկվայում մասնակցել է ցուցահանդեսների: 1908թ. շրջագայել է Իտալիայում, 1913թ.՝ Ֆրանսիայում, Գերմանիայում, շփվել ժամանակի նշանավոր արվեստագետների հետ, ուսումնասիրել արվեստի պատմություն: Իր գործերում համադրել է Արևելքի ու Արևմուտքի մշակույթների ավանդույթները: Առաջին բեմանկարչական աշխատանքներից են Կլոդելի «Փոխանակություն», Հոֆմանի «Արքայադուստր Բրամբիլլա», Լեկոքի «Ժիրոֆլե-Ժիրոֆլյա» բեմադրությունների ձևավորումները: 1914թ. նկարիչը հայ մտավորականների հետ Մոսկվայում հանդես է եկել հայ մշակույթի պաշտպանությամբ` ընդդեմ վանդալիզմի: 1917թ. «Ճակատամարտ», «Ամազոնուհիների կռիվը», «Գավիթ», «Դիմանկար», «Առևտուր անող կինը» կտավներով Թիֆլիսում մասնակցել է հայ արվեստագետների միության ցուցահանդեսին: Մոսկվայի հայ դրամատիկական ստուդիայում, որի հիմնադիրներից էր և ձևավորման բաժնի վարիչը, Ռուբեն Սիմոնովի համագործակցությամբ բեմադրել է Հ.Պարոնյանի «Մեծապատիվ մուրացկանները», Գ.Սունդուկյանի «Պեպոն»: Հայաստանի Առաջին պետական թատրոնում (այժմ` Գ.Սունդուկյանի անվան ազգային ակադեմիական թատրոն) ձևավորել է Շեքսպիրի «Վենետիկի վաճառականը», Ա.Շիրվանզադեի «Մորգանի խնամին» ներկայացումները: Կյանքի վերջին տարիներին ստեղծել է ճարտարապետ Ալեքսանդր Թամանյանի, բանաստեղծ Հովհաննես Հովհաննիսյանի, բժիշկ Մելիք-Ադամյանի դիմանկարները և դիլիջանյան բնանկարների շարքը: Գործերի հետմահու ցուցահանդեսներ են կազմակերպվել Երևանում, Մոսկվայում: 1964թ-ից Փարիզում գործում է Յակուլովի արվեստի համակիրների ընկերությունը: Նրա գործերից պահվում են ՀԱՊ-ում, Մոսկվայի Տրետյակովյան պատկերասրահում, Ալեքսանդր Բախրուշինի անվան թատերական թանգարանում: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար