ԱՐՄԵՆ ՊԵՏՐՈՍՅԱՆ

Ծնվել է 1975թ. սեպտեմբերի 26-ին, Երևանում: 1992թ. ավարտել է Երևանի Ա.Չեխովի անվան թիվ 55 միջնակարգ դպրոցը: 1992-97թթ սովորել է Երևանի պետական համալսարանի տնտեսագիտական ֆակուլտետում: 1994-2001թթ եղել է «Նոր հայեր» ՈւՀԱ թիմի անդամ, որի կազմում դարձել է չեմպիոն, հաղթել է ամառային գավաթներ, մի քանի անգամ ՈւՀԱ երաժշտական փառատոներ: Հանդես է գալիս հիմնականում հումորային ժանրում: 2002-05թթ աշխատել է «Հայ TV» հեռուստաընկերությունում` որպես պրոդյուսեր և ունեցել է հեղինակային հաղորդում` «Երեկոյան կոկտեյլ»: 2005թ-ից աշխատում է «Արմենիա» հեռուստաընկերությունում: Հեղինակել է բազմաթիվ նախագծեր և հաղորդումներ` «Բլեֆ», «Սուպեր դուետ», «7.5», «Yere1», «Մեյդ ին Արմենիա», «3 պատ» և այլն, որոնցում հանդես է եկել որպես հաղորդավար, դերասան և պրոդյուսեր: 2014թ-ից «Ֆուլ Հաուս» հումորային հեռուստանախագծի պրոդյուսերն է: