
Գրիգոր Խլաթեցի
Մատենագիր, բանաստեղծ, երաժիշտ

Գրիգոր Գապարաճյան
Բանասեր

Հեղինե Ղորղանյան
Օպերային երգչուհի

Սարգիս Խաչատուրյան
Գեղանկարիչ

Հարություն Քյուրդյան
Պատմաբան, բանասեր, արվեստաբան

Հակոբ Կարապենց
Արձակագիր

Զոյա Պետրոսյան
Ջութակահար

Վարդգես Պետրոսյան
Արձակագիր, դրամատուրգ

Գևորգ Սարգսյան
Դրամատուրգ, արձակագիր

Սուրեն Դանիելյան
Գրականագետ

Մարիա Գուլեգինա
Օպերային երգչուհի

Արայիկ Ալեքյան
Քանդակագործ
ԳԵՈՐԳԻ ԳԱՐԱՆՅԱՆ

15 օգոստոս, 1934 - 11 հունվար, 2010
Ծնվել է Մոսկվայում: Երաժշտական գործունեությունն սկսել է Յ.Սաուլսկիի և Օ.Լունդստրեմի նվագախմբում: 1966-73թթ աշխատել է Վ.Լյուդվիգովսկիի երաժշտական էստրադային նվագախմբում: 1973-82թթ ղեկավարել է «Մելոդիա» նվագախումբը, որտեղ կատարում էին հանրահայտ սովետական կոմպոզիտորների երաժշտությունները: Նվագախմբի առաջին ձայնասկավառակը վաճառվել է 4 միլիոն օրինակով: Նրա ղեկավարած տարիներին ձայնագրվել է 16 անհատական և 9 նվագախմբի ձայնասկավառակներ: Սաքսոֆոնով գործեր է նվագել հանրահայտ սովետական ֆիլմերում, ինչպիսիք են «Ադամանդե ձեռքը», «Մենք ջազից ենք», «Աշնանային բլյուզ» և «Դե սպասիր» մուլտֆիլմում: Վարել է «Գեորգի Գարանյանի ջազ-ակումբը» հաղորդումը: 1972-79թթ եղել է ԽՍՀՄ կինեմատոգրաֆիստների պետական սիմֆոնիկ նվագախմբի դիրիժորը: Ստացել է բազմաթիվ մրցանակներ ջազային փառատոններում` Պրահա, Բոմբեյ, Հավանա, Վարշավա, Իսրայել, Ֆինլանդիա: Գրել է նաև թատերական ներկայացումների երաժշտություններ: 1990-ականներին ստեղծել է «Մոսկովյան բիգ բենդ» համույթը: Եղել է Մոսկվայի կրկեսի գլխավոր դիրիժորը: 1998թ. ղեկավարել է Կրասնոդար համայնքի երաժշտական համույթը, 2003-06թթ` Մոսկվայի Օ.Լունդստրեմի անվան պետական կամերային ջազ նվագախումբը: 1975թ-ից եղել է ԽՍՀՄ, 1996թ-ից` Ռուսաստանի կինեմատոգրաֆիստների միության անդամ: 1981թ. արժանացել է ԽՍՀՄ վաստակավոր, 1993թ.` Ռուսաստանի ժողովրդական արտիստի կոչման, 1999թ.՝ ՌԴ «Պատվո շքանշան»-ի, 2000թ.` ՌԴ Պետական մրցանակի, 2004թ.՝ ՌԴ «Հայրենիքին մատուցած ծառայությունների համար» 4-րդ աստիճանի մեդալի: Մահացել է Կրասնոդարում, թաղված է Մոսկվայում: