ԼՈՒՍԻՆԵ ԲԱԴԱԼՅԱՆ

Ծնվել է 1980թ. փետրվարի 2-ին, Երևանում: 1997թ. ավարտել է Երևանի թիվ 102 միջնակարգ դպրոցը: 1997-2003թթ ուսանել է Երևանի պետական համալսարանի պատմության ֆակուլտետի արվեստաբանության բաժնում, 2004թ-ից` արվեստաբանության ամբիոնի հայցորդ: 1997-99թթ աշխատել է Հայաստանի հանրային հեռուստաընկերության «Նոր սերունդ» ծրագրում` որպես հաղորդավար: 1998թ-ից «Հայ FM», «Ռադիո Վան» և Հայաստանի հանրային ռադիոկայաններով վարել է «Գիշերալիք», «Մեկ գավաթ սուրճ», «Ֆրի թայմ», «Թայմ աութ» և այլ ծրագրեր: 2003թ-ից եղել է ռոդիոմրցանակաբաշխության մշտական հաղորդավարը: 2000թ-ից հայկական հեռուստաընկերություններով վարել է բազմաթիվ հաղորդումներ` «Սկանվորդ շոու», «Ամեն օր», «Բարի լույս» («Պրոմեթևս»), առավոտյան ծրագիր («Նոր ալիք»), «Հացի խնդիր», «Բենեֆիս» (Հայաստանի հանրային հեռուստաընկերություն), «Արմյանկա» («ATV»): 2009թ. եղել է «Կռունկ» երաժշտական փառատոնի հաղորդավարը: 2001-03թթ Երևանի թիվ 61 միջնակարգ դպրոցում դասավանդել է պատմություն: 2010-15թթ «Կենտրոն» հեռուստաընկերությամբ վարել է «Սկսենք նորից» առավոտյան ծրագիրը: 2018-19թթ եղել է Երևանի ավագանու անդամ: 2019թ-ից ՀՀ ԱԺ պատգամավոր է: