ԳԱՐՈՒՇ ԽԱԺԱԿՅԱՆ

10 հոկտեմբեր, 1913 - 8 մայիս, 1980

Կարապետ Խաժակյան

Ծնվել է Ալեքսանդրապոլում (այժմ` Գյումրի): 1931թ. ավարտել է Լենինականի թատրոնին (այժմ` Գյումրիի Վ.Աճեմյանի անվան պետական դրամատիկական թատրոն) կից ստուդիան` Թադևոս Սարյանի և Վարդան Աճեմյանի արվեստանոցը: Հաճախել է նաև Դ.Ղազարյանի անվան երաժշտական ուսումնարանի ջութակի դասարան: 1931-36թթ աշխատել է Երևանի բանվորական, 1936թ-ից` Գ.Սունդուկյանի անվան ազգային ակադեմիական թատրոնում: Կերտել է բազմաթիվ դերեր մի շարք ներկայացումներում` Գ.Սունդուկյանի «Խաթաբալա» (Մասիսյանց), Յուժին-Սումբատովի «Դավաճանություն» (Էրեկլե), Ա.Օստրովսկու «Անմեղ մեղավորներ» (Նեզնամով), «Անօժիտը» (Կարանդիշև), Գ.Տեր-Գրիգորյանի «Այս աստղերը մերն են» (Ռուբեն), Շիլլերի «Սեր և խարդավանք» (Ֆերդինանդ), Վ.Փափազյանի «Ժայռ» (Ալեքսանդր), Մ.Քոչարյանի «Հարազատ մարդիկ» (Մուշեղ), Գ.Բորյանի «Բարձունքներում» (Դիլանյան), «Դեպի ապագա» (Լիպո) և այլն: Ձայնագրվել է նաև ռադիոբեմադրություններում, նկարահանվել է հայկական ֆիլմերում` «Կամոյի վերջին սխրանքը», «Նվագախմբի տղաները», «Մոր սիրտը» և այլն: 1950թ. արժանացել է ԽՍՀՄ Պետական մրցանակի, 1961թ.` Հայաստանի ժողովրդական արտիստի կոչման: Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ