ԱՐՏՅՈՄ ԵՐԿԱՆՅԱՆ

Հաղորդավար, լրագրող

Ծնվել է 1971թ. մարտի 15-ին, Երևանում: 1988-93թթ սովորել է Երևանի Վ.Բրյուսովի անվան պետական լեզվաբանական ինստիտուտի ռուսաց լեզվի և գրականության ֆակուլտետում: Մոսկվայում ավարտել է նաև Վլադիմիր Պոզների Հեռուստատեսության մասնագիտական դպրոցը: 1988-98թթ թղթակցել և խմբագրել է բազմաթիվ թերթեր և ամսագրեր` «Կոմսոմոլ», «Գործարար աշխարհ», «Հայկական բորսայի տեղեկագիր», «Ժամանակ», «Հայաստանի Հանրապետություն», «Բրավո», «Բորսային լուրեր», «Նոր սերունդ»: 1998թ. եղել է «Միր» հեռուստաընկերության լրատվական մեկնաբան: 1998-99թթ աշխատել է ռուսական առաջին հեռուստաընկերության «Ժամանակ», «Լուրեր», «Առավոտ» հաղորդումների թղթակից, 2000-01թթ` «Ինտերնյուզ» կազմակերպության հայաստանյան գրասենյակի «Ճակատային գծում» հաղորդման պրոդյուսեր և հաղորդավար: 2000-03թթ Հայաստանի հանրային հեռուստաընկերությունում ռուսերեն լեզվով վարել է «Հայլուր» լրատվական հաղորդումը: Հեղինակել է մի քանի դոկումենտալ ֆիլմեր և ռեպորտաժներ, որոնց համար արժանացել է մրցանակների: 2002թ-ից թղթակցում է «Կոմերսանտ» թերթին: 1990թ-ից Հայստանի Ժուռնալիստների միության, 1995թ-ից Երևանի մամուլի ակումբի և Հայաստանի կինեմատոգրաֆիստների միության անդամ է: Հեղինակել է ավելի քան 20 վավերագրական ֆիլմ: Հեռուստատեսության և ռադիոյի միջազգային ակադեմիայի իսկական անդամ է և երկու անգամ արժանացել է ակադեմիայի մրցանակին: 2003թ-ից հանդիսանում է «Շանթ» հեռուստաընկերության լրատվական ծառայության խմբագիրը: 2009թ. արժանացել է Երևանի Մամուլի ակումբի, 2010թ.` Ռուսալեզու հեռուստատեսային և ռադիոհաղորդումների միջազգային 5-րդ փառատոնի մրցանակներին:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար