ԱՆԻ ԱՄԻՐՅԱՆ

Ծնվել է 1984թ. սեպտեմբերի 19-ին, Երևանում: Հաղորդավար Արտավազդ Ամիրյանի քույրն է, դերասան, պարող Ստեփան Ղամբարյանի կինը: 2001թ. ավարտել է Երևանի Խանջյանի անվան թիվ 53 միջնակարգ դպրոցը, 2006թ.` Երևանի Խ.Աբովյանի անվան պետական մանկավարժական համալսարանի կուլտուրայի ֆակուլտետի մասսայական հանդիսությունների ռեժիսուրայի բաժինը: 2001-04թթ սովորել է Հայաստանի Երգի պետական թատրոնի վոկալի բաժնում: 2005-08թթ հեղինակել և վարել է «Հեքիաթների մոլորակ» մանկական հաղորդաշարը: 2007թ-ից աշխատում է «Երևան» ռադիոկայանում, նախ որպես լրատվական խմբագիր և մեկնաբան, ապա` ծրագրերի ղեկավար: Հանդես է եկել նաև որպես երգչուհի, ձայնագրել մի քանի երգ, դուետներ և թողարկել մեկ տեսահոլովակ: