ԲԵԼԼԱ ԴԱՐԲԻՆՅԱՆ

Երգչուհի

10 փետրվար, 1936 - 23 օգոստոս, 2005

Ծնվել է Կիրովականում (այժմ՝ Վանաձոր): 1955-59թթ սովորել է Երևանի Ռ.Մելիքյանի անվան երաժշտական ուսումնարանում, 1959-62թթ՝ Երևանի Կոմիտասի անվան պետական կոնսերվատորիայի վոկալի բաժնում՝ Տաթևիկ Սազանդարյանի դասարանում: 1961թ. ուսումը շարունակել է Մոսկվայի Մեծ թատրոնին կից ստուդիայում: Հանդես է եկել Կարմենի, Ազուչենայի, Ամներիսի և շատ ուրիշ օպերային դերերով: Սակայն հետագայում նախընտրել է էստրադային երգչուհու ուղին: 1961-66թթ եղել է Հայաստանի էստրադային նվագախմբի մեներգչուհի: 1966-96թթ աշխատել է Հայաստանի ռադիոպետկոմի էստրադային սիմֆոնիկ նվագախումբ` որպես մեներգչուհի: Նույն թվականին էստրադային երգերի մրցույթում շահել է ոսկե մեդալ: Կատարել է նաև ժողովրդական երգեր, գուսանական ռոմանսներ և արժանացել բարձր գնահատականի հայ երգարվեստի մեծերի կողմից: Նրա երգացանկից ավելի հայտնի են «Յար առանց քեզ», «Ծառերը ծաղկում են», «Մանուշակաձոր», «Օջախում», «Սասնա ծուռ» և այլ երգեր: Երգացանկում ունեցել է նաև Ա.Բաբաջանյանի, Ա.Աճեմյանի, Ռ.Ամիրխանյանի և այլոց էստրադային երգերը: Համերգներով հանդես է եկել Հայաստանում և արտերկրում: 1997թ., 1999թ. և 2003թ. համերգներով եղել է ԱՄՆ-ում, որտեղ հետագայում թողարկվել է երկու ձայնասկավառակ: 1966թ. արժանացել Հայաստանի վաստակավոր արտիստի կոչման, 2001թ.՝ ՀՀ «Մովսես Խորենացի» մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար