ԱՐԵԳ ԱԶԱՏՅԱՆ

Ծնվել է 1986թ. նոյեմբերի 25-ին, Երևանում: 1992թ. նկարահանվել է ծնողների հեղինակած հայ-հոլանդական «Ռադիո-Երևան» լիամետրաժ ֆիլմի գլխավոր դերերից մեկում: 2000թ-ից պատմվածքներն հրատարակվել են «Գրական թերթ», «Գարուն», «Գրեթերթ», «Նարցիս», «Կանչ», «Աղբյուր», «Նորք» պարբերականներում: 2000թ. մամուլում տպագրված պատմվածքների համար արժանացել է Ռուբեն Սևակի անվան գրական մրցանակին: 2001թ. մի շարք պատմվածքներ տպագրվել են «Հույս, հավատ, սեր» ալմանախում: 2003թ. ավարտել է Հ.Կոջոյանի անվան կրթահամալիրը: 2003թ. «Ապոլլոն» հրատարակչությունը հրատարակել է «Կյանք արևից վերև» պատմվածքների առաջին ժողովածուն, 2005թ.` «Մարդու դատավարությունը» երկրորդ, 2006թ.` «Զատիկի ոտքից բռնված» երրորդ ժողովածուն: 2003-11թթ համանուն պատմվածքների հիման վրա նկարահանել է «Էշը», «Ճանճը», «Զատիկի ոտքից բռնված», «Ծովում չերևացող դելֆինները» կարճամետրաժ գեղարվեստական ֆիլմերը, որոնք մասնակցել են մի շարք միջազգային կինոփառատոների` Ռոտերդամի, Բարսելոնի, Սան Պաուլոյի, Փարիզի, Բուխարեստի, Երևանի «Ոսկե Ծիրան», Տրիեստի, Մադրիդի, Անապայի, Դուշանբեի և այլն: 2004թ. գրած արձակ ստեղծագործությունների շարքի համար արժանացել է ՀՀ նախագահի երիտասարդական մրցանակին: 2006թ. արժանացել է «Մեկ կադր մեկ րոպե» կինոփառատոնի գլխավոր մրցանակին` «Կաթ» ֆիլմի համար: 2007թ-ից Հայաստանի գրողների միության անդամ է: 2008թ. ավարտել է Երևանի թատրոնի և կինոյի պետական ինստիտուտի ռեժիսուրայի բաժինը: 2009թ. մի շարք պատմվածքներ տպագրվել են «Արդի հայ արձակ` 18-ից-33» ալմանախում: 2009թ. հրատարակվել է ռուսական «Юнность» հանդեսում: 2010թ. Ֆրանսիայի Մարսել քաղաքում «Terre d'Armenie» գրական փառատոնում արժանացել է տարվա լավագույն գրող «Մեսրոպ Մաշտոց» մրցանակին` «Հայ գրականության հույսերից մեկը» խորագրով: Պատրաստվում է հրատարակության չորրորդ ժողովածուն` «Թռչող աֆրիկացին» նախնական վերնագրով վեպը: 2012թ. «Ռոմանտիկները» կինոսցենարը ընտրվել ու սցենարի զարգացման դրամաշնորհ է ստացել աշխարհահռչակ «Գոթենբուրգի» միջազգային կինոֆոնդի կողմից:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ