ԱՆՏՈՆ ԱՂԱՅԱՆՑ

3 հոկտեմբեր, 1940 - 26 օգոստոս, 2017

Ծնվել է Լենինգրադում (այժմ` Սանկտ Պետերբուրգ): Եղել է հաղորդավար, դերասանուհի Նոննա Զոտովայի ամուսինը: 1958-63թթ սովորել է Երևանի գեղարվեստաթատերական ինստիտուտում: 1972-75թթ կրթությունը շարունակել է Լենինգրադի թատերական արվեստի ակադեմիայի ասպիրանտուրայում: 1963թ-ից աշխատել է Հայաստանի հանրային հեռուստաընկերությունում: Հեռուստաթատրոնում բեմադրել է բազմաթիվ ներկայացումներ` Զ.Սկառնաչչիի և Ռ.Տարաբուզիի «Սինյոր Պապագատտո», Ա.Քալանթարյանի «Մովսես ապերը», Ս.Խանզադյանի «Քարանձավի բնակիչները», Կ.Գոլդոնիի «Երկու տիրոջ ծառա», Գ.Տեր-Գրիգորյանի «Մեռնող ֆլորան» և այլն: Դասավանդել է Երևանի թատրոնի և կինոյի պետական ինստիտուտում և Խ.Աբովյանի անվան պետական մանկավարժական համալսարանի կուլտուրայի ֆակուլտետում (պրոֆեսոր): 1977թ. արժանացել է Հայաստանի արվեստի վաստակավոր գործչի կոչման: Մահացել է Երևանում: