Ստեփանոս Ագոնց

Հայագետ, աշխարհագրագետ, եկեղեցական գործիչ

Նինա Ղորղանյան

Օպերային երգչուհի

Թադեոս Էֆենդի

Երգահան, ջութակահար, քանոնահար

Ֆրեյդուն Աղալյան

Ճարտարապետ

Օննիկ Ավետիսյան

Գեղանկարիչ, արվեստաբան

Գոհար Ֆերմանյան

Գեղանկարչուհի

Ալեքսանդրու Շահիկյան

Արձակագիր, բանաստեղծ, դրամատուրգ

Գուրգեն Գաբրիելյան

Դերասան, ռեժիսոր

Զարեհ Մուրադյան

Բալետի արտիստ, պարուսույց

Վարդուհի Խաչատրյան

Օպերային երգչուհի

Աննա Մնացականյան

Օպերային երգչուհի

 

 

 

 

ՀՈՎՀԱՆՆԵՍ ԲԱԲԱԽԱՆՅԱՆ

Դերասան

Ծնվել է 1968թ. հուլիսի 1-ին, Երևանում: Դերասանուհի Մարի Մսրյանի ամուսինն է: 1984թ. ավարտել է Երևանի Սիամանթոյի անվան միջնակարգ դպրոցը: 1984-88թթ սովորել է Երևանի գեղարվեստաթատերական ինստիտուտի դերասանական բաժնում, որից հետո աշխատել է Երևանի Հ.Ղափլանյանի անվան դրամատիկական թատրոնում: Խաղացել է բազմաթիվ դերեր մի շարք ներկայացումներում` Հ.Մաթևոսյանի «Չեզոք գոտի» (Աբել Արծաթբանյան), Ք.Լյուդվիգի «Մամա միա» (Տիտտո Մերելի), Ս.Ստրատիևի «Ավտոբուս» (Վիրտուոզ), Վ.Շեքսպիրի «Հուլիոս Կեսար» (Մարկոս Անտոնիոս), «Ռոմեո և Ջուլիետ» (Մերկուցիո), «Մակբեթ» (Մակդուֆ), Ջ.Սելինջերի «Դյութիչ շուրթերն այդ աչքերը կանաչ» (Արթուր), Գ.Խանջյանի «Բարև սրիկաներ» (Ա տղամարդ), Է.դե Ֆիլիպպոյի «Ցիլինդր» (Ռուդոլֆիո), «Ֆիլումենա Մարտուրանո» (Միքելե), Ա.Նիկոլայի «Սպանել սիրո համար» (Բրունո Մանչինի), Հ.Պարոնյանի «Կատակերգություն» (Բանաստեղծ-դերասան), Պ.Զեյթունցյանի «Հիսուս Նազովրեցին և նրա երկրորդ աշակերտը» (Պետրոս Առաքյալ), Հ.Բերգերի «Սիրային խառնաշփոթ» (Բոբի Ջեքսոն), Ս.Հարությունյանի, Ա.Խանդիկյանի «Անվերջ վերադարձ» (Դատավոր), Ե.Օտյանի «Սեր և ծիծաղ» (Դոկտոր Շավարշ), Ժ.Հարությունյանի «Քո վերջին հանգրվանը» (Վահագն), Է.Իոնեսկոյի «Արքան մեռնում է» (Բժիշկ), Լ.Թուխիկյանի «Կանաչ ստվերը» (Միսակ), Ա.Երնջակյանի «Սոնատ թավջութակի համար» (Տղամարդ), Կ.Խոդիկյանի «Տրակտատ թաշկինակի մասին» (Օթելլո), Պ.Զյուսկինդի «Կոնտրաբաս» (մոնոներկայացում) և այլն: Հանդես է գալիս նաև որպես երգիչ, երգում է տարբեր լեզուներով: Նկարահանվել է «Հերոստրատ» (2001թ.), «Լռության սիմֆոնիա» (2001թ.), «Պատը» (2005թ.), «Քրմուհին» (2007թ.), «Մետամորֆոզ» (2008թ.), «Շղթա» (2009թ.) և այլ ֆիլմերում, «Ճակատագրի գերիներ» (2009թ.) հեռուստասերիալում: 2002թ. արժանացել է ՀԹԳՄ «Արտավազդ» ամենամյա թատերական մրցանակի, 2004թ.` «Արմոննո» միջազգային փառատոնի «Լավագույն դերասան» մրցանակին, 2006թ.` Հայաստանի վաստակավոր արտիստի կոչման, 2013թ.` ՀԹԳՄ, ՀՀ մշակույթի և ՀՀ սփյուռքի նախարարությունների «Գրիգոր Լուսավորիչ» և «Մայրենիի դեսպան» մեդալների: 2010թ. տեղափոխվել է ԱՄՆ-ի Քալիֆորնիա նահանգ, որտեղ շարունակել է ստեղծագործել: Նույն թվականին բեմադրել է Վ.Սարոյանի «Իմ սիրտը լեռներում է» պիեսը, որտեղ հանդես է եկել Բեն Ալեքսանդրի դերով: 2011թ. Լոս ԱՆջելեսում խաղացել է «Իմ սև սիրտն ու քո սպիտակ հրեշտակը» ներկայացման մեջ: Նկարահանվել է նաև ամերիկյան գովազդային հոլովակներում: Մի քանի մոնոներկայացումներ խաղացել է նաև անգլերեն լեզվով: Աշխատել է ամերիկյան թատրոնի և կինոյի մասնագետներ Ջ.Ֆարրի, Մ.Ռանդելի, Ա.Մարի-Սթարքի և այլոց հետ: Խաղացել է ավելի քան 190 դեր հայկական և ամերիկյան թատրոնում, կինոյում և հեռուստատեսությամբ: Արժանացել է Ռեյ Չարլզի անվան շքանշանի (Չարլզի դստեր կողմից), ԱՄՆ կոնգրեսմեն Ադամ Շիֆֆի, Քալիֆորնիայի ասամբլեայի անդամ Մայք Գատտոյի կողմից Հատուկ շնորհակալագրերի, բազմաթիվ պատվոգրերի, միջազգային թատերական և կինոմրցանակների:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար