ՎԱՀՐԱՄ ՊԵՏՐՈՍՅԱՆ

Ծնվել է 1979թ. հուլիսի 21-ին, Երևանում: Երգչուհի Լիլիթ Հովհաննիսյանի ամուսինն է: 1995թ. ավարտել է Երևանի թիվ 1 արվեստի դպրոցի կիթառի և դաշնամուրի բաժինները: 1995-2000թթ սովորել է Երևանի Խ.Աբովյանի անվան պետական մանկավարժական համալսարանի գեղարվեստի բաժնում` երգչախմբի դիրիժորի և մանկավարժի մասնագիտությամբ: 2006թ. ավարտել է Երևանի Կոմիտասի անվան պետական կոնսերվատորիայի դաշնամուրային բաժինը, 2009թ.` ասպիրանտուրան` որպես դաշնակահար: Հեղինակել է ավելի քան 150 երգեր, մյուզիքլներ, ֆիլմերի երաժշտություններ: Նրա «Դու իմն ես լինելու» երգով Ռազմիկ Ամյանը 2008թ. «5 աստղ» միջազգային մրցույթում արժանացել է 1-ին մրցանակի, «Մամա» երգով Վլադիմիր Արզումանյանը 2010թ. «Մանկական Եվրատեսիլ» միջազգային մրցույթում` 1-ին մրցանակին: Գրել է «Կյանքի գինը» (2009թ.), «Վերադարձ» (2010թ.), «Մեղավորները» (2012թ.) հեռուստասերիալների երաժշտությունները: Նրա երգերը կատարել են նաև արտասահմանյան կատարողները: