Հակոբոս Պոզաճյան

Բառարանագիր

Ռոմանոս Սետեֆճյան

Դերասան, դրամատուրգ

Ստեփան Մամիկոնյան

Լրագրող, հրապարակախոս

Թլկատինցի

Արձակագիր, բանաստեղծ, դրամատուրգ

Մարո Զուրաբյան

Արձակագիր

Մանվել Բեգլարյան

Կոմպոզիտոր, դիրիժոր

Ռուբեն Գևորգյանց

Կինոռեժիսոր

Լիպարիտ Ավետիսյան

Օպերային երգիչ

 

 

 

 

ՍԵՐԳԵՅ ՀԱԽՎԵՐԴՅԱՆ

Արձակագիր, պատմաբան

27 սեպտեմբեր, 1946 - 3 հունվար, 2021

Ծնվել է Հայաստանի Գորիս քաղաքում: Սովորել է տեղի Ա.Բակունցի անվան միջնակարգ դպրոցում: Դպրոցն ավարտելուց հետո 1964-68թթ սովորել է Երևանի Խ.Աբովյանի անվան մանկավարժական ինստիտուտի պատմության ֆակուլտետում: Ուսանողական տարիներին անդամակցել է հայրենասիրական ՀԵՄ ընդհատակյա կազմակերպության աշխատանքներին, ակտիվորեն մասնակցել 1965թ. Հայոց ցեղասպանության հիշատակին նվիրված ցույցերին: Սովորել է ասպիրանտուրայում, ծառայել Խորհրդային բանակում: 1985-95թթ եղել է Գորիսի երկրագիտական թանգարանի տնօրենը: Նրա օրոք թանգարանը ձեռք է բերել ու ֆոնդավորել հարյուրավոր հնագիտական, ազգագրական արժեք ներկայացնող ցուցանմուշներ: 1992-95թթ աշխատել է Գորիսի «Սյունիք» և «Տաթև» համալսարաններում, աշխատակցել Գորիսի քաղաքապետարանի «Բանբեր Գորիսի» խմբագրակազմին: 1993-96թթ եղել է «Ազգ» օրաթերթի սյունիքյան թղթակիցը, ստորագրել տասնյակ հոդվածներ, որոնք լուսաբանել են Գորիս քաղաքի ռազմական առօրյան, հասարակական-քաղաքական կյանքը: 1989թ. Գորիսի քաղաքապետարանի պատվերով ձեռնարկել է գրելու «Գորիսի պատմությունը» գիրքը, որը լույս է տեսել 1996թ-ին: Նույն թվականին կրկին հրավիրվել է աշխատելու Գորիսի ԲՈՒՀ-ական մասնաճյուղում, ակտիվորեն զբաղվել պատմագիտությամբ: Պրոֆեսոր Գ.Գրիգորյանի հետ հեղինակել է 2001թ. հրատարակված «Սյունիքի պատմություն» դասագիրքը, 2005թ.՝ «Գորիսի ամփոփ պատմություն» գիրքը, 2007թ.՝ հրատարակվել է «Պատմագիտական նոթեր. Սյունիք» գիրքը, ուր ամփոովել են հեղինակի գիտական հոդվածները: Հեղինակել է 30 գիտական հոդված: 2008թ. ՀՀ ԲՈՀ-ի կողմից նրան շնորհվել է դոցենտի գիտական կոչում: Ղեկավարել է ԳՊՀ պատմության և իրավագիտության ամբիոնը: Արժանացել է ՀՊՃՀ ռեկտորի վաստակագրի, Գորիսի քաղաքապետարանի շնորհակալագրի, Սյունիքի մարզպետարանի կողմից՝ «Ակսել Բակունցի» հուշամեդալի: Ռուբեն գրական կեղծանունով, ուսանողական տարիներից սկսած զբաղվել է գրական գործունեությամբ: Նրա պատմվածքները տպագրվել են հանրապետական, մարզային մամուլում, ժողովածուներում, հնչել ռադիոյով: 2009թ. լույս է տեսել « Բարի արև-բարև» գիրքը, ուր ամփոփած են հեղինակի 20 պատմվածքներ: Մահացել է ՀՀ Գորիս քաղաքում: