ԳԵՎՈՐԳ ԵՂԻԱԶԱՐՅԱՆ

Հաղորդավար

7 մայիս, 1974 - 27 հունիս, 2021

Ծնվել է Երևանում: Սովորել է Երևանի Մ.Մխոյանի անվան թիվ 68 միջնակարգ դպրոցում, 1991-95թթ՝ Երևանի թատրոնի և կինոյի պետական ինստիտուտում: Ծառայել է ՀՀ զինված ուժերում: Երկար տարիներ ծավալել է բազմաբնույթ մշակութային գործունեություն՝ հեռուստատեսությունից մինչև բեմարվեստ, եղել է բազմաթիվ մշակութային նախագծերի հեղինակն ու կազմակերպիչը: Հայ հեռուստադիտողն առաջին անգամ նրան ճանաչել է 1999թ-ին, «Արմենիա» հեռուստատեսության եթերում: Հետագայում աշխատանքը շարունակել է Հայաստանի հանրային հեռուստաընկերությունում և «Արտ-13» հեռուստաընկերություններում, որպես հաղորդավար և ստեղծագործական ղեկավար: Եղել է նաև «Արդինի» ստուդիայի ծրագրերի տնօրենը և գեղարվեստական ղեկավարը: Ծավալել է նաև հասարակական գործունեություն: Աշխատել է Երևանի քաղաքապետարանում՝ որպես մշակույթի, սպորտի և երիտասարդության հարցերի գերատեսչության խորհրդական, ինչպես նաև քաղաքային միջոցառումների կազմակերպիչ: Տարիներ շարունակ եղել է «Բազե» համահայկական-երիտասարդական հավաքի գեղարվեստական ղեկավարը: 2007թ. կրկին վերադարձել է հեռուստատեսություն՝ ստանձնելով «Նոր ալիք» հայկական երաժշտական հեռուստատեսության ծրագրերի տնօրենի պաշտոնը: Աշխատել է նաև «Նոր ռադիո» և «Սիգմա TV» լրատվամիջոցներում: 2011թ. տեղափոխվել է ԱՄՆ-ի Լոս Անջելես քաղաք, որտեղ շարունակել է ստեղծագործական ուղին «New Vave» հեռուստաընկերությունում, այնուհետև՝ «Արթն» հեռուստաալիքում: Մահացել է Լոս Անջելեսում, թաղված է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար