Գրիգոր Վանցյան

Լեզվաբան, գրաքննադատ

Թորգոմ Գուշակյան

Բանասեր, թարգմանիչ, եկեղեցական գործիչ

Սուրեն Բադալյան

Ճարտարապետ, ճարտարագետ

Ալբերտ Մուշեղյան

Գրականագետ, թարգմանիչ

Յան Իսահակյան

Ճարտարապետ

Սերգեյ Հախվերդյան

Արձակագիր, պատմաբան

Հենրի Գարուկյան

Գեղանկարիչ

Վահան Անդրեասյան

Բանաստեղծ, երգահան, եկեղեցական գործիչ

Արմեն Ադիլխանյան

Կինոռեժիսոր, պրոդյուսեր

Ավագ Ավագյան

Կինոռեժիսոր

 

 

 

 

ԱՍԱՏՈՒՐ ԲԱԼՋՅԱՆ

Օպերային երգիչ

Ծնվել է 1982թ. օգոստոսի 10-ին, Էջմիածնում: Սովորել է Երևանի Կոմիտասի անվան պետական կոնսերվատորիայում (պրոֆեսոր Վալերի Հարությունյանի դասարան), այնուհետև ուսումը շարունակել է Թել Ավիվի Զուբին Մետտայի անվան ակադեմիայում (Թամար Ռախումի դասարանում), որտեղ գերմանացի Կլաուս Սալմանն առաջարկել և աջակցել է նրան հետագա կատարելագործմանը Բեռլին-Պերլեբերգի Լոթթե Լեհմաննի ակադեմիայում, որտեղ վարպետության դասընթացների է մասնակցել սոպրանո Քարան Ամսթրոնգի ղեկավարությամբ: Բեռլինում երկու տարի սովորել է վոկալի մասնագետ ռումինուհի Լավինյա Քերեքեշին մոտ: 2006-08թթ հանդես է եկել Մայր Աթոռ Սբ. Էջմիածնի երգչախմբում, միաժամանակ 2007-08թթ եղել է Կամերային երաժշտական թատրոնի դերասան, 2007-09թթ՝ Օպերային թատրոնի մեներգիչ: 2009-12թթ եղել է Երուսաղեմի հայոց պատրիարքարանի Սբ. Յակոբեանց մայրավանքի դպրապետ, ժառանգավորաց վարժարանի եկեղեցական երաժշտության ուսուցիչ, 2012-17թթ՝ Գերմանիայի հայոց թեմի երաժշտապետ, սարկավագ (Գերմանիա, Սաքսոն-Անհալտ երկրամաս): 2018թ-ից Հայաստանի պետական ֆիլհարմոնիայի գովազդային բաժնի պետն է։ Հանրային խորհրդի անդամ է։ Համերգներով հանդես է եկել Շվեյցարիայում, Բելգիայում, Հոլանդիայում, Իսրայելում, Ռուսաստանում, Հնդկաստանում, Միացյալ Արաբական Էմիրություններում, Ղազախստանում, Գերմանիայում։ Հանդես է եկել հետևյալ օպերային ներկայացումներում՝ Ա.Սպենդիարյանի «Ալմաստ» (Թաթուլ), Լեհարի «Ուրախ այրին» (օպերետ, Կոմս Դանիլո), Է.Սադոյանի «Հեյ, ո՞վ կա այդտեղ» (Տղա), «Անլռելի զանգակատուն» պոեմի և կոմիտասյան մեղեդիներով բեմադրված «Կոմիտասյան պատարագ» (Կոմիտաս) և այլն: 2008թ. Ռուսաստանի Չելյաբինսկ քաղաքում դարձել է «Տարվա լավագույն արտիստ», իսկ Երևանում արժանացել է ՀՀ նախագահի երիտասարդական մրցանակի: 2012թ. դարձել է Գերմանիայի Վիթենբերգ քաղաքի ամենամյա երաժշտական խաղերի հաղթող: