ԱՆՆԱ ՄԵԼԻՔՅԱՆ

Ծնվել է 1976թ. փետրվարի 8-ին, Բաքվում, մեծացել է Երևանում։ 17 տարեկան հասակում տեղափոխվել է Մոսկվա: 2002թ. ավարտել է Մոսկվայի Կինեմատոգրաֆիայի պետական ինստիտուտը, եղել է Սերգեյ Սոլովյովի աշակերտուհին։ Սովորելու ընթացքում նկարահանել է բազմաթիվ կարճամետրաժ ֆիլմեր, ինչպիսիք են «Անդանտե», «Կոնտրաբաս» ֆիլմերը։ Ուսանողական աշխատանքի համար նկարահանել է «Պոլիտելի» ֆիլմը Նելի Ուվարովայի դերակատարությամբ։ Առաջին լիամետրաժ ֆիլմը եղել է «Մարս»-ը, որի պրեմիերան կայացել է Բեռլինի կինոփառատոնի ժամանակ։ Երկրորդ լիամետրաժ ֆիլմը «Ջրահարս»-ը ստացել է «Սանդենս» կինոփառատոնի ժամանակ մրացանակ լավագույն ռեժիսուրայի համար և Ռուսաստանի կողմից ներկայացվել Օսկարի: «Աստղ» ֆիլմի համար նա «Կինոտավր» փառատոնում ստացել է մրացանակ լավագույն ռեժիսուրայի համար։ Ամերիկյան «Վարիետի» ամսագիրը նրան ներառել է լավագույն տասը հեռանկարային ռեժիսորների ցուցակում: Հիմնել է «Մագնում» ընկերությունը, որը զբաղվում է ֆիլմերի և հեռուստասերիալների արտադրությամբ: 2015թ. «Սիրո մասին» ֆիլմի համար արժանացել է «Ոսկե արծիվ» կինոմրցանակի՝ «Լավագույն ֆիլմ» անվանակարգում։