ԱԼՊԵՐԹ ԱԲԱԼՅԱՆ

4 դեկտեմբեր, 1893 - 14 նոյեմբեր, 1986

Ծնվել է Սիրիայի Քեսապ (Քեսաբ) քաղաքում: Նախնական և միջնակարգ կրթությունն ստացել է Քեսապում, իսկ բարձրագույնը՝ Այնթապի Կենտրոնական Թուրքիայի քոլեջում, որտեղ ավարտաճառի համար գրել է «Քեսապ և իր գյուղերը» հատորը: Բժշկություն սովորել է Բեյրութի ամերիկյան համալսարանի բժշկական դպրոցում, որն ավարտել է 1917թ.: Այնուհետև զինակոչվել է օսմանյան բանակ՝ ենթասպայի աստիճանով և ծառայել է Նապլուսում, պաղեստինյան ճակատում: 1920թ. տեղափոխվել է ԱՄՆ-ի Բոստոն քաղաք, որտեղ աշխատել է որպես մանկաբույժ: Անդամակցել է Մեսեչուսեցի և ամերիկյան այլ բժշկական միություններին: Օգտագործել է Էբիլենց ծածկանունը: Հրատարակվել են նրա «Հայ մայրերու մենտորը» (1922թ.), «Հէքիմարան» (բժշկա-առողջապահական, 1924թ.), «Հնգամեայ զրույցները 1923-28թթ» (1928թ.), «Զմրուխտ մատանին» (վեպ, 1929թ.), «Անահիտ կամ ամերիկահայ Ֆլէփփըրը» (վեպ, 1929թ.), «Վաղուան արշալոյսը» (վեպ, 1930թ.), «Աշ-Գար» (վեպ ամերիկահայ կյանքից, 1930թ.), «Քեսապ եւ իր գիւղերը» (2002թ.) և այլն: Մահացել է ԱՄՆ-ի Մասաչուսեթս քաղաքում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ