ԱԼԵՔ ՔԵՇԻՇՅԱՆ

Ծնվել է 1964թ. հուլիսի 30-ին, Բեյրութում։ 1968թ. տեղափոխվել է ԱՄՆ։ Սովորել է Բոստոնի կոնսերվատորիայում, Հարվարդի և Սորբոնի համալսարաններում։ 12 տարեկան հասակից հանդես է եկել Բոստոնի Լիրիկական օպերային թատրոնում, մեծ հաջողության է հասել Ամալի դերերգով (Մենոտտիի «Ամալը և գիշերային այցելուները», 1976թ.)։ Խաղացել է նաև թատրոնում, նկարահանել երաժշտական տեսահոլովակներ Բոբբի Բրաունի, Էլթոն Ջոնի, Վանեսսա Վիլյամսի, Մադոննայի և այլ աշխարահռչակ արտիստների համար։ Որպես ռեժիսոր հանդես է եկել «Հարգանքներով» (1994թ., սցենարիստ և պրոդյուսեր), «Սեր և այլ աղետներ» (2006թ.), «Ճշմարտություն կամ համարձակություն. Մադոննայի հետ ճանապարհին, հետնաբեմում և անկողնում» (1991թ., Կաննի կինոփառատոն), «ՄԵՆՔ։ Հավատում ենք սիրուն» (2011թ., սցենարի համահեղինակ, Մադոննայի հետ) ֆիլմերում, Բոբբի Բրաունի «Դաժան մի եղիր» (1988թ.), «Իմ մենաշնորհը» (1988թ.), «Ամեն մի փոքր քայլ» (1989թ.), «Մենք` ինքներս» (1989թ.), Էլթոն Ջոնի «Զոհաբերություն» (1990թ.), Մադոննայի «Սա իմ խաղահրապարակն էր» (1992թ.), «Կհիշեմ» (1994թ.), Դարրեն Հայեսի «Անհագ» (2002թ.), Սելենա Գոմեսի «Hands to Myself» (2015թ.), Ֆերջիի «Save It Til Morning» (2017թ.) և այլ երաժշտական հոլովակներում։ «Փրոփագանդ ֆիլմ» կինոստուդիայի տնօրենն է: