ԱԼԵՆ ԴԱՐՈՆՅԱՆ

Ծնվել է 1946թ. դեկտեմբերի 28-ին, Փարիզում։ 1970թ. ավարտել է Փարիզի «Բոզար» բարձրագույն դպրոցը։ Նրա նախագծերով Դիժոնում, Նանտում, Մեցում, Փարիզում իրականացվել են կինոթատրոնների համալիրներ, վարչական շենք, Սեն ժերմեն դղյակի և պատմական շրջանի քաղաքաշինարարական, Մադլեն հրապարակի հյուրանոցի, Շառլ դը Գոլի հրապարակի 19-րդ դարի մի շենքի վերականգնումն ու վերակառուցումը, Միլանում՝ «Օդեոն» թատրոնի, Երևանում՝ Ֆրանսիայի դեսպանատան վերակառուցումը։ Փարիզի Հայկական միջպրոֆեսիոնալ ինտերնացիոնալ ընկերակցության փոխնախագահն է, 2000թ. հիմնադրված «Advk Architecture» ճարտարապետական ընկերության նախագահն է։ 2012թ. արժանացել է ՀՀ «Անանիա Շիրակացի» մեդալի։