Խաչատուր Լազարյան

Պետական, մշակութային գործիչ

Բարսեղ Սարգիսյան

Բանասեր, հայագետ, ձեռագրագետ

Նորայր Կարգանյան

Քանդակագործ

Աշոտ Գրիգորյան

Ճարտարապետ

Աշոտ Բաբայան

Կոմպոզիտոր

Ներսես Աթաբեկյան

Բանաստեղծ, թարգմանիչ

Աշոտ Հարությունյան

Քանդակագործ

Վարդան Օնանյան

Հաղորդավար, լրագրող

Նիկոլայ Մադոյան

Ջութակահար

Արտաշես Սարգսյան

Հաղորդավար

Նիկոլ Փաշինյան

Պետական գործիչ, լրագրող

 

 

 

 

ԱԲՐԱՀԱՄ ԱՅՎԱԶՅԱՆ

Բանասեր, բանաստեղծ

11 հունվար, 1846 - 3 հոկտեմբեր, 1909

Ծնվել է Կոստանդնուպոլսում։ Եղել է լրագրող, հրապարակախոս Գևորգ Այվազյանի եղբայրը: Նախնական կրթությունն ստացել է ծննդավայրի Մայր վարժարանում։ 1863թ. եղել է Արտավազդյան թատերական ընկերության անդամ։ 1865թ. մեկնել է Խարբերդ, զբաղվել ուսուցչությամբ։ Մեկ տարուց վերադարձել է Կ.Պոլիս, որտեղ եղբոր հետ 1869թ. հիմնել է «Մամուլ» երգիծաթերթը։ «Մամուլ» պարբերականում և այլ թերթերում տպագրել է հոդվածներ, ակնարկներ։ «Բյուզանդիոն» թերթում տպագրել է մի շարք նշանավոր հայերի կենսագրություններ։ 1860-ական թվականներին լույս է ընծայել բանաստեղծությունների և այլ բնույթի մի քանի գրքույկներ, ինչպես «Արտասուք հայ մանկան», «Ի մահ Մամիկոնյան Վարդանա հայ դյուցազնին» (1862թ.), «Առաջին մրմունջք» (1864թ.), «Անակրեոնյան նվագք» (1865թ.) և այլն։ Առավել ուշագրավ է նրա «Շար հայ կենսագրությանց» (1893թ.) եռահատոր աշխատությունը, որը պարունակում է 18-19-րդ դարերի մշակութային մի շարք գործիչների կենսագրությունները։ Հակառակ համիդյան գրաքննական խստություններին, այդ հատորում տեղ են գտել նաև Խաչատուր Աբովյանն ու Միքայել Նալբանդյանը, գրաքննական նկատառումներով առաջինը ներկայացվել է որպես Քանաքեռցի Խաչատուր, Նալբանդյանը որպես Միքայել Պայտարյան: Մահացել է Կոստանդնուպոլսում: