Նիկողայոս Տիգրանյան

Կոմպոզիտոր, դաշնակահար

Գրիգոր Տաթևյան

Ճարտարապետ, զինվորական

Վան Խաչատուր

Գեղանկարիչ, քանդակագործ, ճարտարապետ, բանաստեղծ

Էդուարդ Ավագյան

Բանաստեղծ, արձակագիր, թարգմանիչ

Հրանտ Աչյան

Ճարտարապետ

Վահրամ Բաբայան

Կոմպոզիտոր, դաշնակահար

Սամուել Հալաջ

Գեղանկարիչ

Սամսոն Ստեփանյան

Դերասան, բեմադրիչ

Արա Պապանյան

Շեփորահար

 

 

 

 

ԱՐՄԵՆ ՊՈՒՉԻՆՅԱՆ

Դաշնակահար

Ծնվել է 2003թ. հունիսի 29-ին, Երևանում: Շեփորահար Լևոն Պուչինյանի որդին է: 2009թ-ից սովորում է Երևանի Պ.Չայկովսկու անվան մասնագիտական երաժշտական դպրոցում՝ պրոֆեսոր Հասմիկ Պետրոսյանի դասարանում: Սովորում է նաև Երևանի Կոմիտասի անվան պետական կոնսերվատորիայի պրոֆեսոր Արմեն Բաբախանյանի մոտ: Վաղ տարիքից մասնակցել է մի շարք միջազգային երաժշտական մրցույթների և արժանացել առաջատար մրցասնակների: 2012թ. մասնակցել է Ա.Բաբաջանյանի անվան պատանի դաշնակահարների 9-րդ մրցույթին, որտեղ արժանացել է Էդվարդ Միրզոյանի անվան հատուկ մրցանակի: 2013թ. մասնակցել է «Վերածնունդ» միջազգային մրցույթ-փառատոնին և արժանացել 1-ին կարգի դափնեկրի կոչման, իսկ Թբիլիսիում կայացած Գաբունիայի անվան միջազգային մրցույթ-փառատոնի ժամանակ՝ 2-րդ մրցանակին: Նույն թվականին մասնակցել է նաև Յուրի Բաշմետի գլխավորությամբ կայացած «ԱՊՀ և Բալթյան երկրների 3-րդ մանկական երաժշտական ակադեմիա» փառատոնին: 2014թ. Թուրքիայում մասնակցել է «Ապագայի արտիստներ» միջազգային մրցույթ-փառատոնին և արժանացել 1-ին մրցանակին: 2015թ. «Мелодика Поколений» երաժշտական միջազգային փառատոնի շրջանակներում Մոսկվայի Կրեմլի դահլիճում ելույթ է ունեցել ՌԴ նախագահական նվագախմբի հետ: 2014թ-ից Հայաստանի և Արցախի երիտասարդ տաղանդավոր երաժիշտների զարգացման նպատակային ծրագրի անդամ է: 2016թ. «Նոր անուններ» պատանի երաժիշտ-կատարողների 6-րդ միջազգային փառատոնի շրջանակներում հանդես է եկել ՀՀ Կամերային նվագախմբի հետ: Հայաստանից բացի համերգներով հանդես է եկել աշխարհի մի շարք երկրներում: 2017թ. որպես մենակատար հանդես է եկել Հայաստանի պետական ջազային նվագախմբի հետ (Ա.Բաբաջանյան «Նոկտյուրն»): 2017թ. և 2018թ. համերգային շրջագայության է մեկնել Ֆրանսիա և Շվեյցարիա: Վարպետության դասեր է վերցրել Լիոնի կոնսերվատորիայի պրոֆեսոր Ալեն Ժակունի, իտալացի դաշնակահար պրոֆեսոր Պ.Բագլիերի և դաշնակահար Սվետլանա Նավասարդյանիմոտ: 2018թ. համերգներով հանդես է եկել Վիեննայում և Զալցբուրգում, իսկ դեկտեմբեր ամսին Նյու Յորքում մասնակցել է «Հայաստանի երեխաներ» հիմնադրամի (COAF) կազմակերպած գալա-համերգին: 2019թ. մասնակցել է ՌԴ Դերժինսկ քաղաքում կայացած Խվիլիվիցակայայի անվան միջազգային մրցույթին և արժանացել առաջին մրցանակին: Նույն թվականին մասնակցել է նաև «Նոր անուններ» 9-րդ փառատոնին, որի շրջանակներում հանդես է եկել Հայաստանի ազգային ֆիլհարմոնիկ նվագախմբի հետ՝ կատարելով հայաստանյան պրեմիերա (Վ.Լյուտոսլավսկի «Վարիացիաներ Պագանինիի թեմայով»): 2019թ. մասնակցել է Կուալա Լումպուրի «Պուտրա» դաշնակահարների միջազգային մրցույթին ու արժանացել առաջին մրցանակին։ Իսկ ավելի ուշ մասնակցել է նաև Ռիգայի դաշնակահարների միջազգային հեղինակավոր մրցույթին, որտեղ կրկին արժանացել է առաջին մրցանակին: 2021թ-ից աշխատում է Հայաստանի երգի պետական թատրոնում որպես մենակատար: