ԱՆԱՀԻՏ ՏԵՐ-ՄԻՆԱՍՅԱՆ

8 փետրվար, 1933 - 11 փետրվար, 2019

Ծնվել է Փարիզում։ Եղել է գրող, պետական գործիչ Գեղամ Տեր-Կարապետյանի թոռնուհին: Եղել է Սորբոնի համալսարանի և Սոցիալական գիտությունների բարձրագույն դպրոցի դասախոս, պրոֆեսոր։ Ուսումնասիրել է Հայաստանի, հայկական հարցի, Անդրկովկասում ազգային հարաբերությունների պատմությունները: Հանդես է եկել բազմաթիվ դասախոսություններով մի շարք երկրներում։ Հիմնական աշխատություններն են՝ «Հայկական հարց» (1983թ., ֆրանսերեն), «Ազգայնականությունն ու սոցիալիզմը հայ հեղափոխական շարժման մեջ (1887-1912)» (1984թ., անգլերեն), «Հայաստանի Հանրապետություն» (1989թ., ֆրանսերեն), «Հայերի պատմություն» (1982թ., Ժ.Տետեյանի խմբագրությամբ) կոլեկտիվ աշխատության «Հայաստանը և ազգությունների զարթոնքը (1800-1914)» բաժինը և այլն: Մահացել է Փարիզում: