ՅՈՒՐԻ ՄԱՐՅԱՆ

Արձակագիր, լրագրող

9 հուլիս, 1924 - 15 ապրիլ, 1976

Յուրի Կարապետյան

Ծնվել է Երևանում։ 1941թ. ավարտել է Երևանի Վ.Մայակովսկու անվան ռուսական միջնակարգ դպրոցը։ 1941-45թթ ծառայել է խորհրդային բանակում, մասնակցել է Երկրորդ համաշխարհային պատերազմին։ 1946թ. սովորել է Երևանի պետական համալսարանի իրավաբանական ֆակուլտետի հեռակա բաժնում։ Աշխատանքային գործունեությունն սկսել է 1938թ-ից։ Աշխատել է որպես բանվոր, փականագործ, ավտովարորդ։ Երկրորդ աշխարհամարտի ավարտից հետ աշխատել է «Կոմունիստ» (ռուսերեն) թերթի խմբագրությունում։ Եղել է համամիութենական ռադիոյի թղթակիցը Հայաստանում, «Կոմսոմոլսկայա պրավդա» (Մոսկվա) թերթի պատասխանատու քարտուղարի տեղակալը, այդ թերթի սեփական թղթակիցը Հայաստանում, «Լիտերատուրնայա գազետա» և «Սովետսկայա կուլտուրա» թերթերի սեփական թղթակիցը, Հայհիդրոշինի «Հիդրոշինարար» բազմատպաքանակ թերթի խմբագիրը։ 1969թ-ից, որոշ ընդմիջումներով, աշխատել է «Լիտերատուրնայա Արմենիա» ամսագրում որպես պատասխանատու քարտուղար։ 1962թ-ից եղել է Հայաստանի գրողների միության անդամ։ Նրա սցենարով նկարահանվել են մի շարք փաստագրական կինոնկարներ։ Հրատարակվել են նրա «Ես, պատանի պիոներս» (1952թ.), «Հանդիպումներ եթերում» (1959թ., վիպակ), «Մեր Նազանին» (1960թ.), «Հրազդանը երեկ, այսօր և վաղը» (1962թ.) աշխատությունները։ Մահացել է Երևանում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար