Գևորգ Ախվերդյան

Բանասեր, բժիշկ, տնտեսագետ

Խորեն Ստեփանե

Բանաստեղծ

Ալեքսանդր Աբելյան

Դրամատուրգ, թատերական գործիչ

Արաքսի Օհանյան

Դերասանուհի, բեմադրիչ

Հրաչյա Մեքինյան

Բեմանկարիչ, դերասան

Սերգո Միկոյան

Պատմաբան

Գայանե Մամաջանյան

Գեղանկարչուհի

Գևորգ Սարգսյան

Գեղանկարիչ

Վահե Խաչատրյան

Կինոռեժիսոր, կոմպոզիտոր

Արմինե Գրիգորյան

Երգչուհի, դերասանուհի

Լուսինե Մարտիրոսյան

Ռեժիսոր, պրոդյուսեր

 

 

 

 

ԹՈՐԳՈՄ ՄԱՆՈՒԿՅԱՆ

Եկեղեցական գործիչ, գրող

16 փետրվար, 1919 - 12 հոկտեմբեր, 2012

Ծնվել է Բաղդադի հյուսիսում՝ Բագուբա քաղաքի մոտ գտնվող փախստականների ճամբարում։ Բաղդադի Սբ. Թարգմանչաց հայկական դպրոցում նախակրթական ուսումն ավարտելուց հետո ընդունվել է Երուսաղեմի Հայոց պատրիարքարանի սրբոց Հակոբյանց ժառանգավորաց վարժարան։ 1936թ. սարկավագ է ձեռնադրվել ձեռամբ երջանկահիշատակ Պատրիարք Թորգոմ արքեպիսկոպոս Գուշակյանի։ 1939թ. ձեռնադրվել է կուսակրոն քահանա՝ ստանալով Թորգոմ անունը։ 1939-46թթ Երուսաղեմի Հայոց պատրիարքարանում տարբեր պաշտոններ է վարել: Աշխատել է պատրիարքարանի «Սիոն» ամսագրի խմբագրությունում, ինչպես նաև եղել է ճեմարանի փոխտեսուչ։ 1946թ. մեկնել է ԱՄՆ և նշանակվել Հյուսիսային Ֆիլադելֆիայի (Փենսիլվանիա) Սբ. Երրորդություն հայկական եկեղեցու հոգևոր հովիվ։ 1951թ. Ամերիկայի Արևելյան թեմի առաջնորդի կողմից նշանակվել է թեմի առաջնորդական փոխանորդ։ 1954թ. Հյուսիսային Ֆիլադելֆիայում մեկ տարով վերսկսելով ծառայությունը՝ Հայր Թորգոմը վերադարձել է Երուսաղեմ և նշանակվել ճեմարանի տեսուչ։ Վարել է նաև պատրիարքարանի դիվանապետի պարտականությունները։ 1960թ. վերադառնալով ԱՄՆ՝ ուսումը շարունակելու նպատակով ընդունվել է Քեմբրիջի Եպիսկոպոսական աստվածաբանական դպրոց (Մասաչուսեթս)։ 1962թ. ընտրվել է Հայ եկեղեցու Ամերիկայի Արևմտյան թեմի առաջնորդ։ Նույն թվականին, ձեռամբ երջանկահիշատակ Ամենայն Հայոց Վազգեն Ա Կաթողիկոսի, Մայր Աթոռ Սբ. Էջմիածնում ձեռնադրվել է եպիսկոպոս։ 1966թ., Արևմտյան թեմի առաջնորդի պաշտոնում 4 տարի ծառայելուց հետո ընտրվել է Հայ եկեղեցու Ամերիկայի Արևելյան թեմի առաջնորդ։ Երկու տարի անց Վազգեն Ա Կաթողիկոսի կողմից նրան շնորհվել է Արքության պատիվ։ Արևելյան թեմի առաջնորդի պաշտոնում 24 տարի ծառայելուց հետո 1990թ. ընտրվել է Երուսաղեմի 96-րդ Պատրիարք։ 1994թ. Վազգեն Ա Կաթողիկոսի մահից հետո նշանակվել է կաթողիկոսական տեղապահ։ Ստացել է մի շարք ակադեմիական պարգևներ, արժանացել է Նյու Յորքի Ընդհանուր աստվածաբանական ճեմարանի պատվավոր դոկտորի կոչման։ 1986թ. ստացել է նաև Ամերիկայի երկու գլխավոր պարգևները՝ «Ազատության արձան» և «Էլիզ Այլընդ» պատվո շքանշանները։ Մեծ ավանդ է ունեցել միջազգային էկումենիկ հարաբերությունների զարգացման գործում։ Ծառայել է ԱՄՆ-ում Քրիստոսի Եկեղեցիների Ազգային Ժողովի հանձնաժողովում, նախագահել է «Կրոնն ամերիկյան կյանքում» խորհուրդը։ Եղել է նաև «Խղճմտանքի կոչ» հիմնադրամի տնօրենների խորհրդի անդամ։ Հեղինակել է 20 մենագրություններ, որոնց թվում՝ բանաստեղծական երեք ժողովածուներ, հայկական Սբ. Պատարագի ուսումնասիրություն, Հայոց ցեղասպանությանը (1915թ.) նվիրված գրքեր և Երուսաղեմի սուրբ վայրերի մանրամասն ուղեցույց։ Եղել է նաև ճանաչված կոմիտասագետ։ 2010թ. արժանացել է ՀՀ «Մեսրոպ Մաշտոց» շքանշանի: Մահացել է Երուսաղեմում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար