ԲԱԲԿԵՆ ՀԱՐՈՒԹՅՈՒՆՅԱՆ

Պատմաբան

4 մարտ, 1941 - 26 փետրվար, 2013

Ծնվել է Երևանում: 1958թ. ավարտել է թիվ 72 դպրոցը, 1962թ.` Երևանի պետական համալսարանի պատմության ֆակուլտետը, 1977թ.` ԵՊՀ իրավագիտության ֆակուլտետի հեռակա բաժինը: 1963-66թթ սովորել է ԵՊՀ ասպիրանտուրայում: 1968թ. պաշտպանել է թեկնածուական, 1993թ.` դոկտորական ատենախոսություն (2005թ-ից՝ պրոֆեսոր): 1966թ. եղել է հայ ժողովրդի պատմության ամբիոնի լաբորանտ: 1967թ-ից դասավանդել է ԵՊՀ-ում: 1970-71թթ եղել է ԵՊՀ արտասահմանյան քաղաքացիների նախապատրաստական ֆակուլտետի դեկանը, 1985-88թթ` Երևանի համալսարանի հրատարակչության տնօրենը, 1993-2003թթ` պատմության ֆակուլտետի դեկանը, 1997-2000թթ` նաև Հայաստանի հարակից երկրների պատմության ամբիոնի վարիչը, 2003թ-ից՝ հայոց պատմության ամբիոնի վարիչը, 2007-08թթ՝ նաև ՀՀ ԳԱԱ նախագահության ակադեմիկոս-քարտուղարը: Հեղինակել է 3 մենագրություն, 5 ուսումնամեթոդական աշխատանքներ, շուրջ 100 գիտական հոդվածներ և 250 քարտեզներ: Կարևոր աշխատություններն են` ««Աշխարհացոյցը» և չորս Հայքերի խնդիրը» (1997թ.), «Հայաստանի, հայիրանական հարաբերությունների և Առաջավոր Ասիայի հնագույն պատմության մի քանի խնդիրների շուրջ (մ.թ.ա. 8-6-րդ դդ)» (1998թ.), «Մեծ Հայքի վարչաքաղաքական բաժանման համակարգը ըստ «Աշխարհացոյց»-ի» (մաս Ա, 2001թ.), «Հայոց պատմության ուսումնական ատլասի Ա և Բ հատորները» (2003թ., 2008թ.): Եղել է Ազգային ատլասի Բ հատորի (2008թ.), դպրոցական դասագրքերի (2007-08թթ) խմբագիրն ու համահեղինակը: 1994թ. դասավանդել է Բեյրութի համազգային հայագիտական բարձրագույն դպրոցում, իսկ 1995-96թթ` ԱՄՆ-ի Միչիգանի Դիզբորն համալսարանում: Բոստոնի ազգային արխիվում և Ֆրանսիայի Մոնպելիե 3 համալսարանում (1992թ., 2002թ., 2008թ.) զբաղվել գիտահետազոտական աշխատանքով: Նրա ղեկավարությամբ պաշտպանվել է թեկնածուական 6 ատենախոսություն: Գիտական զեկուցումներով հանդես է եկել հանրապետական և միջազգային գիտաժողովներում (Մոսկվա, Սանկտ Պետերբուրգ, Լոս Անջելես, Բոստոն, Մոնպելիե, Բեռլին, Աշխաբադ, Երևան, Ստեփանակերտ, Թեհրան, Սպահան): 2006թ-ից եղել է ՀՀ ԳԱԱ թղթակից անդամ: Արժանացել է Ֆրանսիայի արտաքին գործերի նախարարության ու Ֆուլբրայթի հիմնադրամի թոշակներին, ինչպես նաև ընտրվել Բնության և հասարակության մասին գիտությունների միջազգային ակադեմիայի և «Արարատ» միջազգային ակադեմիայի անդամ։ Արժանացել է նաև Երևանի պետական համալսարանի ոսկե մեդալի, Նոբելյան մրցանակակիր «Ալբերտ Շվայցերի» մեդալի, «Եկատերինա Մեծ» և «Ոսկե արծիվ ոսկի թագով» գերմանական շքանշանների, 2006թ.՝ ՀՀ «Մովսես Խորենացի» մեդալի, 2009թ.՝ Հայաստանի գիտության վաստակավոր գործչի կոչման: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար