ԻԼՅԻՉ ԲԵԳԼԱՐՅԱՆ

14 սեպտեմբեր, 1937 - 17 հունվար, 2019

Ծնվել է Հայաստանի Թալա (այժմ՝ ՀՀ Տավուշի մարզի Գետահովիտ) գյուղում։ Ավարտել է Երևանի պետական համալսարանի տնտեսագիտության ‎ֆակուլտետը։ Աշխատել է ՀՀ ՊԵՏՄԱՏ-ի համակարգում։ Եղել է «Հայէլեկտրամեքառ» ԲԲԸ-ի նախագահը, 2006թ-ից՝ «Զորավար Անդրանիկ» թանգարանի հիմնադիրը, 2007թ-ից՝ Հայաստանի գրողների միության անդամ: Հեղինակել է ավելի քան 20 գիրք։ Հրատարակվել են նրա «Առականի» (2000թ.), «Հայդուկներ» (2000թ.), «Մահկանաբերդի արծիվը» (Սևքարեցի Սաքո, 2002թ.), «Նամակ առ Նադիր Շահ» (2006թ.), «Դյուցազնապատում» (Զորավար Անդրանիկ, 2010թ.) և այլ գրքեր: Արժանացել է «Աշխատանքային կարմիր դրոշի» շքանշանի, «Աշխատանքի վետերան» մեդալի, ՀՀ ՊՆ «Հովհաննես Բաղրամյան», «Զորավար Անդրանիկ» մեդալների, 2001թ.՝ «Ոզնի» երգիծաթերթի մրցանակի, 2012թ.՝ ՀԳՄ «Գրական վաստակի համար» մեդալի։ Մահացել է Երևանում: