ՄԱՔՍԻՄ ՀՈՎՀԱՆՆԻՍՅԱՆ

18 փետրվար, 1934 - 3 հունիս, 2020

Միսաք Ավանեսյան

Ծնվել է Արցախի Ասկերանի շրջանի Հարավ գյուղում: 1952թ. ավարտել է Ստեփանակերտի թիվ 2 դպրոցը, 1958թ.՝ Երևանի պետական համալսարանի բանասիրական ֆակուլտետի ժուռնալիստիկայի բաժինը: 1958-86թթ աշխատել է Արցախի ռադիոհաղորդումների մարզային կոմիտեում` որպես թղթակից, ապա` գլխավոր խմբագիր: 1986-87թթ եղել է Ստեփանակերտի Վ.Փափազյանի անվան պետական դրամատիկական թատրոնի տնօրենը: Եղել է նաև թատրոնի գեղարվեստական անդամ, ակտիվ մասնակցել խաղացանկի ձևավորմանը, հայերեն թարգմանել ռուս դրամատուրգների պիեսները (Ա.Օստրովսկու «Գեղեցիկ տղամարդը»): Նրա ղեկավարությամբ կոլեկտիվը մասնակցել է 1987թ. Երևանում կազմակերպված համամիութենական ստուգատեսին: 1988-93թթ եղել է «Խորհրդային Ղարաբաղ» (հետագայում «Արցախ») օրաթերթի գլխավոր խմբագիրը, 1993-96թթ՝ Արցախի Նախարարների խորհրդի լրատվության և մամուլի դեպարտամենտի ղեկավարը, 1995-98թթ՝ «ԼՂ Հանրապետություն» օրաթերթի գլխավոր խմբագիրը: Հեղինակել է մարդու բարոյահոգեբանական աշխարհն արտացոլող պատմվածքներ ու ակնարկներ: Հրատարակվել են նրա «Իմ հին լորենի» (1970թ.), «Գյուղացի մարդիկ» (1977թ.), «Եվ սիրտն ասաց» (1980թ.), «Նարնջագույն գիշերներ» (1983թ.), «Շոգ» (1986թ.) և այլ ժողովածուներ: Արցախահայության կյանքը, նրանց ազատագրական հերոսամարտը, ըմբոստ ու մարտնչող ոգին և դեպի բարու հաղթանակն ունեցած աննկուն հավատն է արտացոլված գրողի «Մենք» (1989թ.), «Գնում ենք արևին դիմավորելու» (1991թ.), «Արցախ իմ, ցավ իմ» (1988թ.) ժողովածուներում: 1990թ. «Մենք» գրքի համար արժանացել է ՀԳՄ Դ.Դեմիրճյանի անվան մրցանակի, 2004թ. «Արցախ իմ, ցավ իմ» ժողովածուի համար` Արցախի Եղիշեի անվան պետական մրցանակի: 2005-09թթ հրատարակվել է հեղինակի ստեղծագործությունների չորսհատորյակը, իսկ 2006թ. լույս է տեսել նրա «Հարար-հարար» ժողովածուն, 2008-09թթ՝ «Չաստվածների խնջույքը» գիրքը: Արժանացել է Արցախի «Մեսրոպ Մաշտոց» շքանշանի, վաստակավոր լրագրողի կոչման և ՀԳՄ «Գրական վաստակի համար» մեդալի: Մահացել է Ստեփանակերտում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ