ՆԵԼԼԻ ԱՆԱՆՅԱՆ

3 ապրիլ, 1938 - 12 դեկտեմբեր, 2011

Ծնվել է Երևանում: Եղել է արձակագիր Վախթանգ Անանյանի դուստրը: 1960թ. ավարտել է Երևանի պետական համալսարանը: 1969թ-ից աշխատել է ՀՀ ԳԱ Մ.Աբեղյանի անվան գրականության ինստիտուտում որպես առաջատար գիտաշխատող, խմբի ղեկավար: 1999թ-ից դասախոսել է Երևանի թատրոնի և կինոյի պետական ինստիտուտում: 1994թ. ստացել է բանասիրական գիտությունների դոկտորի գիտական աստիճան (1999թ-ից՝ պրոֆեսոր): Ուսումնասիրությունները վերաբերում են 19-րդ դարի արևմտահայ արձակին, հայ նորագույն գրականության խնդիրներին, հրատարակության է պատրաստել Վ.Անանյանի «Երկերի» (հատոր 1-4, 1984թ.) ժողովածուն: Հեղինակել է «19-րդ դարի 50-60-ական թվականների արևմտահայ ռոմանտիկական վիպագրությունը» («Գրական դեմքեր», ժողովածու, 1976թ.), «Արևմտահայ վիպագրություն» (1992թ.) աշխատությունները: Կազմել է «Հայ քննադատական մտքի պատմության մատենագիտություն 1974-1920» գիրքը: Մահացել է Երևանում:

ԲԱԺԻՆՆԵՐ

• ԱՐԱԿԱՆ
• ԻԳԱԿԱՆ
• ՄԱՆԿԱԿԱՆ

ՄԱՍՆԱԿՑԻՐ ՔԱՍԹԻՆԳԻ