Գալուստ Կոստանդյան

Հրապարակախոս, փիլիսոփա, բնագետ

Արա Պարթևյան

Կոմպոզիտոր, դիրիժոր

Պետրոս Զարոյան

Դրամատուրգ, արձակագիր, գրականագետ

Գրիկեր

Պատմաբան

Շահեն Հակոբյան

Բեմանկարիչ

Էլվիրա Ուզունյան

Օպերային երգչուհի, դերասանուհի

Ավետիս Խաչատրյան

Գեղանկարիչ

Գոռ Սարգսյան

Բալետի արտիստ

Չորս Տարբերակ

Փոփ խումբ

 

 

 

 

ՌՈՊԵՐ ՀԱՏՏԵՃՅԱՆ

Արձակագիր, հրապարակախոս

Ծնվել է 1926թ. հունվարի 20-ին, Կոստանդնուպոլսում: Նախնական կրթությունն ստացել է Վիեննայի Մխիթարյան վարժարանում: 1950թ. ավարտել է Ստամբուլի համալսարանի գրականության-փիլիսոփայության ֆակուլտետը: 1967թ-ից եղել է «Մարմարա» թերթի խմբագիրը: Լույս են տեսել գրողի «Բառասխալ» (1972թ.), «Մարդոց մեծութեան և խեղճութեան մասին» (1972թ.) պատմվածքների ժողովածուները, «Առաստաղը» (1983թ., հատոր 1, Ալեք Մանուկյանի գրական մրցանակ՝ 1983թ.) վեպը, «Հակոբ Պարոնեանի մտերմութեան մէջ» (1965թ.) հոդվածաշարը: 1982թ-ից տպագրվել են նրա «Յուշատետր» (հատոր 1-41) փիլիսոփախոհական նոթերը: Գրել է նաև պիեսներ, որոնցից հայտնի են «Կեանքի մը երեք կիրակիները» (բեմ.՝ 1959թ.), «Կիրակնօրեա հաշուեփակ» (բեմ.՝ 1959թ.), «Մարդը և իր կեղեւը» (բեմ.՝ 1987թ.), «Մահը ա՞յս է արդեօք» (բեմ.՝ 1994թ.) և այլն։ 2001թ-ից Հայաստանի ժուռնալիստների միության անդամ է: 2001թ. արժանացել է Թուրքիայի Հայոց պատրիարքարանի առաջին կարգի պատվո շքանշանի և օրհնության կոնդակին, 2002թ.՝ ՀՀ «Մովսես Խորենացի» մեդալի, 2007թ.՝ ՀՀ մշակույթի նախարարության, Երևանի պետական և Երևանի Խ.Աբովյանի անվան մանկավարժական համալսարանների ոսկե մեդալներին, «Ֆրիտյոֆ Նանսեն» ոսկյա հուշամեդլի, 2009թ.՝ Հայաստանի ժուռնալիստների միության «Ոսկե գրիչ» մեդալի, 2011թ.՝ «Սուրբ Մեսրոպ Մաշտոց» շքանշանի: