Արա Վրույր

Դերասան, լուսանկարիչ

Հատիկ Ազիզյան

Պատմաբան, լրագրող

Էվերտ Պայազատ

Կինոգետ, կինոսցենարիստ

Դանիել Երաժիշտ

Ջութակահար, դիրիժոր, երաժշտագետ

Թովմաս Պողոսյան

Երգիչ, բանահավաք

Նաիրա Շահիրյան

Դերասանուհի, հաղորդավար

Մանու Իրիցյան

Հաղորդավար, լրագրող

Նաիրա Կոլոզյան

Դերասանուհի

 

 

 

 

ԱՐՄԵՆԱԿ ՏԵՐ-ԱԲՐԱՀԱՄՅԱՆ

Օպերային երգիչ

16 սեպտեմբեր, 1898 - 11 դեկտեմբեր, 1957

Ծնվել է Թիֆլիսում: 1908-10թթ սովորել է Թիֆլիսի Ներսիսյան դպրոցում, երգել Սպիրիդոն Մելիքյանի ղեկավարած երգչախմբում: 1920թ. ավարտել է Թիֆլիսի կոնսերվատորիան: 1936-37թթ կատարելագործվել է Մոսկվայի Հայ մշակույթի տան մեներգեցողության ստուդիայում: Երգել է Երևանի կոնսերվատորիայի երգչախմբում, որպես մեներգիչ մասնակցել Ալեքսանդր Սպենդիարյանի. ղեկավարած սիմֆոնիկ համերգներին: 1937-41թթ եղել է Երևանի Ա.Սպենդիարյանի անվան օպերայի և բալետի թատրոնի մեներգիչ: Հանդես է եկել մի շարք օպերաներում՝ Ա.Տիգրանյանի «Անուշ» (Սարո), Հ.Ստեփանյանի «Լուսաբացին» (Սեթո), Ի.Դերժինսկու «Խաղաղ Դոն» (Լիստնիցկի) և այլն: 1942թ-ից եղել է Երևանի Հ.Պարոնյանի անվան երաժշտական կոմեդիայի պետական թատրոնի կազմակերպիչներից և  առաջին արտիստներից: Մասնակցել է թատրոնի առաջին ներկայացմանը` Ռ.Նելսոնի «Թագավորը զվարճանում է» օպերետում կատարելով թագավորի դերը: 1941-52թթ եղել է Հայաստանի ռադիոյի ժողովրդական գործիքների անսամբլի մեներգիչ: Որպես երգիչ մասնակցել է «Հայֆիլմ» կինոստուդիայի «Պեպո» (1935թ.), «Զանգեզուր» (1938թ.), «Սևանի ձկնորսները» (1939թ.), «Քաջ Նազար» (1940թ.), «Անահիտ» (1947թ.) կինոֆիլմերի նկարահանմանը: Երգչի ձայնն առանձնացել է արտակարգ ջերմությամբ, մեծ արտահայտչականությամբ, թավշյա քնքշությամբ: Նրա կատարմանը բնորոշ էր անմիջականությունը, բնականությունը, զգացմունքային ազատությունը: Առանձին վարպետությամբ և հմայքով է կատարել հայկական ժողովրդական ու գուսանական («Ես սարեն կուգայի», «Պաղ աղբյուրի մոտ», «Առ սիրուհիս»), Կոմիտասի «Կռունկ», «Ախ մարալ ջան», «Անտունի», «Ծիրանի ծառ» երգերը: Պարգևատրվել է «Պատվո նշան» շքանշանով: 1954թ. արժանացել է Հայաստանի ժողովրդական արտիստի կոչման: Մահացել է Երևանում:
 

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար