Մատթեոս Մամուրյան

Գրող, թարգմանիչ, բանասեր, պատմաբան

Լյուբով Լազարևա

Օպերային երգչուհի

Լևոն Հայկազունի

Կրկեսի արտիստ

Վազգեն Մուրադյան

Կոմպոզիտոր

Կառլոս Աբովյան

Գեղանկարիչ

Վյաչեսլավ Ամիրխանյան

Կինոռեժիսոր, դերասան

Անդրանիկ Խեչումյան

Թարգմանիչ, բեմադրիչ

Կարեն Գևորգյան

Պարող, պարուսույց

Միխայիլ Սիմոնյան

Ջութակահար

Ռեբեկա Դեմիրճյան

Օպերային երգչուհի

 

 

 

 

ՍՏԵՓԱՆ ՊՈՂՈՍՅԱՆ

Պատմաբան, պետական գործիչ

1 հունվար, 1932 - 17 մայիս, 2012

Ծնվել է Հայաստանի Ահագչի (այժմ՝ ՀՀ Արագածոտնի մարզի Զովասար) գյուղում: 1955թ. ավարտել է Երևանի պետական համալսարանի պատմության ֆակուլտետը։ 1970-88թթ եղել է Հայաստանի հեռուստառադիոպետկոմի նախագահը, 1988-90թթ՝ «Արմենպրես» գործակալության տնօրենը, 1990թ.՝ Հայաստանի մամուլի և հրատարակչությունների պետկոմի նախագահը։ 1990թ. ընտրվել է ՀԿԿ Կենտրոնական կոմիտեի առաջին քարտուղար։ 1991թ. հիմնադրել է Հայկական հարցի ուսումնասիրության գիտական կենտրոն։ 1991-92թթ եղել է «Երկիր ավետյաց» թերթի գլխավոր խմբագիրը, 2002-09թթ՝ Հայաստանի հանրային հեռուստառադիոընկերության խորհրդի անդամ, 2009-12թթ՝ Հայաստանի հանրային հեռուստառադիոընկերության խորհրդի նախագահի գլխավոր խորհրդականը։ 1995թ-ից դասավանդել է Երևանի «Հրաչյա Աճառյան» համալսարանում։ Աշխատությունները վերաբերում են Հայկական հարցին, Հայոց ցեղասպանության (1915թ.) և ազգային-ազատագրական շարժումների պատմությանը։ Հրատարակվել են նրա «Պատմության կեղծարարները» (1986թ.), «Արարման ճամփաներով» (1988թ.), «Գոյատևման պայքարի քառուղիներում» (1989թ.), «Ինձ բահ տվեք...» (Գևորգ Չաուշ, 1989թ.), «Ակնարկներ Արևմտյան Հայաստանի պատմության (19-րդ դարի վերջ - 20-րդ դարի սկիզբ)» (1990թ.), «Արամ Անտոնյանի «Մեծ ոճիրը» մեղադրում է» (1990թ.), «Ինքնապաշտպանական կռիվները» (1990թ.), «Պանթուրքիզմը երեկ և այսօր» (1990թ.), «Քրդերը և հայկական հարցը» (1991թ.), «Սև ծովից Վանա ծով` հինգ ամիս, հինգ օր» (1992թ.), «Արևմտահայությունը ցեղասպանության շեմին» (1997թ.), «Թուրքերը թուրքերի մասին» (վավերագրերի և նյութերի ժողովածու, 2000թ.), «Հայկական հարցի և հայոց ցեղասպանության պատմություն» (հ.1-3, գիրք Ա-Գ, 2000-05թթ), «Հայերի բնաջնջման Օսմանյան քաղաքականությունը» (2000թ.), «Սասունցիներ» (Պատառիկներ ապրած կյանքի, 2000թ.), «Ցեղասպանության խնդիրները. Պետական քաղաքականություն և ազգային ընկալումներ» (2001թ.), «Հայացք անցյալին. հանուն այսօրվա ու վաղվա» (2002թ.), «Հայոց ցեղասպանությունը (Պատճառները, ընթացքը, հետևանքները)» (2005թ.), «Հայոց ցեղասպանության պատմություն» (գիրք 1-3, 2008-11թթ), «Սասունցիներ» (2011թ.), «Հարևաններ մոտ ու հեռու» (գիրք 1-4, 2011-13թթ) և այլ աշխատություններ: 2011թ. արժանացել է «Հայրենիքին մատուցած ծառայությունների համար» 1-ին աստիճանի մեդալի: Մահացել է Երևանում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար