Կոստան Զարյան

Բանաստեղծ, արձակագիր, արվեստաբան, գրականագետ

Վաղարշ Վաղարշյան

Դերասան, դրամատուրգ

Սերգեյ Ասլամազյան

Թավջութակահար

Արշամ Տատրյան

Բանաստեղծ, լրագրող

Էդուարդ Վանունց

Հնչյունային օպերատոր

Դմիտրի Ատովմյան

Կոմպոզիտոր

Վահան Ռումելյան

Գեղանկարիչ

Լուսինե Բադալյան

Հաղորդավար

Սոֆիա Բաղդասարյան

Օպերային երգչուհի, դերասանուհի

 

 

 

 

ՍՅՈՒԶԱՆ ՄԱՐԳԱՐՅԱՆ

Երգչուհի

Ծնվել է 1961թ. հոկտեմբերի 6-ին, Երևանում: Դերասան Հրաչյա Հարությունյանի կինն է: 1978թ. ավարտել է Երևանի թիվ 57 միջնակարգ դպրոցը: Զուգահեռ սովորել է դպրոցական գեղարվեստական դաստիարակության տան թատերական և երաժշտական բաժիններում: 1973թ. երգել է Հայաստանի երգչախմբային ընկերության մանկական երգչախմբում, 1977թ.` «Սերպանտին» վոկալ-գործիքային նվագախմբում: 1978թ. առաջին անգամ բեմ է բարձրացել նվագախմբի հետ: 1979թ. ավարտել է Հայաստանի էստրադային և ջազային արվեստի պետական քոլեջի վոկալի բաժինը: 1980թ-ից երգել է Կոնստանտին Օրբելյանի ղեկավարած Հայաստանի պետական էստրադային նվագախմբում: 1981թ. դարձել է «Յունոստ Բալտիկի» միջազգային երգի փառատոնի դափնեկիր: 1984թ. ավարտել է Երևանի գեղարվեստաթատերական ինստիտուտի դերասանական բաժինը: 1990թ-ից երգել է Հայաստանի ազգային ռադիոյի էստրադային սիմֆոնիկ նվագախմբում: Թողարկել է «Սիրո մեղեդի» (1991թ.), «Հանդիպում» (2001թ.), «Օրոր» (2009թ.), «Նոր տարի» (2010թ.) ձայնասկավառակները: 2004թ. Հայաստանի ազգային երաժշտական մրցանակաբաշխության ժամանակ արժանացել է Հատուկ մրցանակի: Ձայնագրել է հայ կոմպոզիտորների մի շարք երգեր: Ունի երկու տասնյակից ավել տեսահոլովակներ: Հյուրախաղերով հանդես է եկել աշխարհի բազմաթիվ երկրներում: 2003թ. արժանացել է Հայաստանի վաստակավոր արտիստի կոչման: