ՀԱՐՈՒԹՅՈՒՆ ՊԶՏԻԿՅԱՆ

Արվեստաբան, գեղանկարիչ

27 հուլիս, 1937 - 11 ապրիլ, 2021

Ծնվել է Բեյրութում: Նախնական կրթությունն ստացել է ծննդավայրին Սբ. Գրիգոր Լուսավորիչ ճեմարանում: 1950թ-ից սովորել է Վենետիկի Մխիթարյան միաբանության վարժարանում: Սովորել է նաև Հռոմի համալսարանում, որտեղ ուսումնասիրել է փիլիսոփայություն, աստվածաբանություն և հոգևոր երաժշտություն: Հռոմի Գրիգորյան համալսարանի կողմից ստացել է փիլիսոփայության և աստվածաբանության դոկտորի կոչում և 1962թ. դարձել է վարդապետ: Վերադառնալով Վենետիկ՝ երկու տարի հաճախել է նաև տեղի Գեղարվեստի ակադեմիա: Հոգևոր և ստեղծագործական աշխատանքներին զուգահեռ կատարել է նաև խմբագրական գործեր, եղել է Հալեպի Մխիթարյան վարժարանի տնօրենը, դասավանդել է հայկական կրթօջախներում: Գեղանկարների առաջին ցուցահանդեսով առաջին անգամ ներկայացել է 1962թ., Վենետիկում, ապա ունեցել է մի շարք ցուցահանդեսներ տարբեր երկրներում, արժանացել է մի շարք մրցանակների: Հեղինակել է բազմաթիվ գրքեր հայերեն և օտար լեզուներով: Հրատարակվել են նրա «Մխիթարի եւ Մխիթարեաններու նպաստը հայ մշակոյթին» (2003թ.), «Մխիթար վրդ. Սեբաստացիի և Մխիթարեաններու նպաստը հայ մշակոյթին» (2003թ.), «Հայաստանեան պատկերներ Եւսեբիոս Քրոնիկագիր» (2003թ.), «Հայ ժողովուրդի ազատագրութեան պայքարը (ԺԹ-ի դդ)» (2004թ.), «Պատմական հողերու վրայ» (2004թ.), «Խոհեր կեանքի մասին» (2004թ.), «Հայկական ցոլքեր» (2004թ., 2006թ., 2008թ., 2009թ., 2011թ.), «Լոս Անճելըս Հայաստանեան պատկերներ Հայ ժողովուրդի Պատմութիւն» (2004թ.), «Վենետիկ-Ս.Ղազար Հայաստանեան պատկերներ Հայ գրականութիւն» (2006թ.) գրքերը: Դասավանդել է Փարիզի Սամուել-Մուրատ վարժարանում: Եղել է Վենետիկի գեղարվեստի ակադեմիայի նկարչության խորհրդի անդամ: Մահացել է Փարիզում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար