Գրիգոր Վանցյան

Լեզվաբան, գրաքննադատ

Թորգոմ Գուշակյան

Բանասեր, թարգմանիչ, եկեղեցական գործիչ

Սուրեն Բադալյան

Ճարտարապետ, ճարտարագետ

Ալբերտ Մուշեղյան

Գրականագետ, թարգմանիչ

Յան Իսահակյան

Ճարտարապետ

Սերգեյ Հախվերդյան

Արձակագիր, պատմաբան

Հենրի Գարուկյան

Գեղանկարիչ

Վահան Անդրեասյան

Բանաստեղծ, երգահան, եկեղեցական գործիչ

Արմեն Ադիլխանյան

Կինոռեժիսոր, պրոդյուսեր

Ավագ Ավագյան

Կինոռեժիսոր

 

 

 

 

ԼՅՈՒԲՈՎ ՎՈՅՆՈՎԱ-ՇԻԿԱՆՅԱՆ

Բալետի արտիստ, պարուսույց

18 օգոստոս, 1909 - 17 օգոստոս, 1990

Ծնվել է Մոսկվայում: Եղել է բալետի արտիստ, դիրիժոր Դմիտրի Շիկանյանի կինը: 1926թ. ավարտել է Մոսկվայի պարարվեստի ուսումնարանը։ 1926-27թթ եղել է Նովոսիբիրսկի, 1927-28թթ՝ Սվերդլովսկի, 1928-38թթ՝ Թբիլիսիի օպերայի և բալետի թատրոնների մենապարուհի: Դերապարերից են՝ Օդետա-Օդիլիա (Պ.Չայկովսկու «Կարապի լիճը»), Մեդորա (Ադանի «Կորսար»), Սվանիլդա (Դելիբի «Կոպելիա»), Մայա (Շ.Թաքթաքիշվիլու «Մալտակվա») և այլն։ 1938թ-ից եղել է Երևանի Ա.Սպենդիարյանի անվան օպերայի և բալետի մենապարուհի։ Եղել է Կարինեի (Ա.Խաչատրյանի «Երջանկություն») առաջին դերակատարուհին։ Լավագույն դերապարերից են նաև՝ Մարիա (Ասաֆևի «Բախչիսարայի շատրվանը»), Ռայմոնդա (Գլազունովի «Ռայմոնդա»), Գյուլնարա (Ռիմսկի-Կորսակովի «Շեհերազադե»), Խանդութ («Խանդութ», ըստ Ա.Սպենդիարյանի երաժշտության), Գայանե (Ա.Խաչատրյանի «Գայանե») և այլն։ 1934-38թթ դասավանդել է Թբիլիսիի օպերայի և բալետի թատրոնին կից բալետի ստուդիայում, 1938-42թթ՝ Երևանի պարարվեստի ուսումնարանում, 1938-63թթ եղել Երևանի օպերայի և բալետի թատրոնի բալետի արտիստների մանկավարժ-փորձավարը։ Նրա աշակերտներից են եղել Թ.Գրիգորյանը, Զ.Քալանթարյանը, Դ.Ալեքսանյանը, Ժ.Բաբախանյանը և այլք։ Պարգևատրվել է «Պատվո նշան» շքանշանով։ 1984թ. արժանացել է Հայաստանի ժողովրդական արտիստի կոչման: Մահացել է Երևանում: