Ստեփանոս Թոխաթցի

Բանաստեղծ, գրիչ

Վարդան Մեշտուճյան

Արձակագիր, պատմաբան, թարգմանիչ

Սիամանթո

Բանաստեղծ

Վեներա Հակոբյան

Դերասանուհի

Վահագն Դավթյան

Բանաստեղծ, թարգմանիչ

Զարեհ Մելքոնյան

Բանաստեղծ, դրամատուրգ

Աբել Սիմոնյան

Պատմաբան

Արթուր Այդինյան

Օպերային երգիչ

Մայք Քոնորս

Դերասան

Գեորգի Գարանյան

Սաքսոֆոնահար, կոմպոզիտոր

Պողոս Հայթայան

Արվեստաբան

Սիլվի Վարդան

Երգչուհի

Հրաչյա Քեշիշյան

Ռեժիսոր, պրոդյուսեր

Անդրանիկ Բերբերյան

Կոմպոզիտոր, դիրիժոր

 

 

 

 

ՕՀԱՆ ՉՈՒԲԱՐՅԱՆ

Մատենագետ

8 հոկտեմբեր, 1908 - 7 հունվար, 1976

Ծնվել է Թոփթի գյուղում (այժմ՝ Ղրիմ գյուղ, ՌԴ Ռոստովի մարզի Մյասնիկյանի շրջանում): 1930թ. ավարտել է Մոսկվայի բարձրագույն մատենագիտական դասընթացները։ Ղեկավար պաշտոններ է վարել Ռուսաստանի պետական կենտրոնական գրապալատում, ԽՍՀՄ ծանր արդյունաբերության ժողկոմխորհի պետական, Սալտիկով-Շչեդրինի անվան պետական հանրային (Սանկտ Պետերբուրգի բլոկադայի տարիներին), ԽՍՀՄ գիտատեխնիկական պետական հանրային, Վ.Լենինի անվան ԽՍՀՄ պետական գրադարաններում։ Գրել է ռուսերեն։ Հեղինակել է ավելի քան 110 գիտական աշխատություններ, որոնցից շատերը, այդ թվում և «Ընդհանուր գրադարանագիտություն» (1960թ., 1968թ., 1976թ., հայերեն՝ 1963թ.) թարգմանվել են մի շարք լեզուներով։ Նրա նախաձեռնությամբ և խմբագրությամբ են սկզբնավորվել «ԽՍՀՄ գիատակն և տեխնիկական գրադարաններ» («Научные и технические библиотеки СССР») և «Խորհրդային գրադարանագիտություն» («Советское библиотековедение») պարբերականները։ Անդրադարձել է գրադարանագիտության և մատենագիտության գրեթե բոլոր կարևոր խնդիրներին։ Գրադարանային ասոցիացիաների միջազգային ֆեդերացիայի 32-րդ նստաշրջանում (1966թ., Նիդերլանդներ) ընտրվել է այդ կազմակերպության մատենագիտական հանձնաժողովի նախագահ, իսկ 1969թ.՝ Գրադարանագիտության հանձնաժողովի նախագահ։ 1972թ. ստացել է մանկավարժական գիտությունների դոկտորի գիտական աստիճան (1973թ-ից՝ պրոֆեսոր): 1968թ. արժանացել է Ռուսաստանի մշակույթի վաստակավոր գործչի կոչման։ Մահացել է Մոսկվայում: Չուբարյանի անունով է կոչվել Արտաշատի կենտրոնական գրադարանը։