Գուրգեն Մահարի

Արձակագիր, բանաստեղծ

Միխայիլ Անդրիասով

Արձակագիր, ակնարկագիր

Լևոն Բաբայան

Պատմաբան

Լիլի Չուքասզյան

Օպերային երգչուհի

Ներսես Ունանյան

Քանդակագործ

Զորայր Խալափյան

Արձակագիր, դրամատուրգ

Հրանտ Գյուլասարյան

Բանաստեղծ, արձակագիր

Արաքս Մանսուրյան

Օպերային երգչուհի

Սերվետ Պողոսյան

Ճարտարապետ, գեղանկարիչ

Աշոտ Բեգլարյան

Գրող, լրագրող, թարգմանիչ

 

 

 

 

ՇԱՀԱՆ ՆԱԹԱԼԻ

Բանաստեղծ, պետական գործիչ, գրող

14 հուլիս, 1884 - 18 ապրիլ, 1983

Հակոբ Տեր-Հակոբյան

Ծնվել է Արևմտյան Հայաստանի Խարբերդի նահանգի Հյուսենիկ գյուղում: Նախնական կրթությունն ստացել է տեղի հայկական դպրոցում։ 1894-96թթ հայկական ջարդերի ժամանակ հայրը, քեռին և մի քանի ազգականներ սպանվել են։ Երեք օր ապաստանել է հարևան հույների մոտ և փրկվել։ Ջարդերից հետո ուրիշ որբերի հետ տեղափոխվել է Կոստանդնուպոլիս՝ Սբ. Հովհաննես որբանոց։ Ուսումը շարունակել է այդտեղ։ Հարուստ հայ բարեկամները Նյու Յորքից որդեգրել են նրան և նա մինչև 1900թ. ապրել է Նյու Յորքում և սովորել Բերբերյան ակադեմիայում։ 1901թ. վերադարձել է Խարբերդ, դասավանդել եկեղեցուն կից դպրոցում։ 1904թ. ընդունվել է Հայ հեղափոխական Դաշնակցության շարքերը։ Նույն տարի մեկնել է ԱՄՆ, որտեղ երեք տարի աշխատել է կոշիկի գործարանում։ 1908թ. Սահմանադրության ընդունումից հետո վերադարձել է Թուրքիա։ Սակայն 1909թ. տեղի ունեցած երիտթուրքական առաջին զանգվածային կոտորածներից հետո տեղափոխվել է ԱՄՆ։ 1909-12թթ սովորել է Բոստոնի համալսարանում։ Գրիգոր Մերջանովի հետ հանդիսացել է 1915թ. Հայոց ցեղասպանությունը կազմակերպող և իրականացնող երիտթուրք (Միություն և Առաջադիմություն կուսակցություն) պարագլուխներին վերացնելու «Նեմեսիս» գործողության կազմակերպողն ու ոգեշնչողը։ Մտածել է, որ հնարավոր է ահաբեկչական և զինված պայքարի միջոցով ստիպել Թուրքիային ընդունել հայ փախստականների Արևմտյան Հայաստան վերադառնալու իրավունքը։ Այդ հարցում Հայ հեղափոխական Դաշնակցության հետ տարաձայնությունների պատճառով 1927թ. լքել է Բյուրոն և կուսակցությունը։ 1970-ական թվականներին ողջունել է Հայաստանի ազատագրության հայ գաղտնի բանակի ստեղծումը։ Եղել է «Շանթ», «Փյունիկ» և այլ հանդեսների խմբագիրը։ 1943-53թթ վարել է ՀԲԸՄ-ի Նյու Ինգլընդի շրջանային հանձնաժողովի քարտուղարությունը։ Հրատարակվել են նրա «Օրէնքի եւ ընկերութեան զոհերէն» (կարճ պատմվածքներ, 1909թ.), «Ամպեր» (1909թ.), «Սէրի եւ ատելութեան երգեր» (1915թ.), «Քաւութեան երգեր» (չափածո, 1915թ.), «Վրէժի աւետարան» (հ.1-2, 1918թ.), «Ասլան Բէկ» (ողբերգություն երեք արարով, 1918թ.), «Քեզի» (չափածո, 1920թ.) գրքերը, «Թուրքիզմը Անգորայէն Բագու եւ Թրքական Օրիէնթասիոն» (1928թ.), «Թուրքերը եւ Մենք» (1928թ.), «Ալեքսանդրապօլի Դաշնագրէն 1930-ի Կովկասեան Ապստամբութիւնները» (2 հատոր 1934-35թթ), «Երեւանի Համաձայնագիրը» (1941թ.), «Գիրք Մատուցման եւ Հատուցման» (1949թ.), «Այսպէս Սպաննեցինք», «Վերստին Յաւելուած Ալեքսանդրապօլի Դաշնագրի «Ինչպէ՞սն ու ինչո՞ւն»» (1955թ.) ազգային-քաղաքական գործերը: Մահացել է ԱՄՆ-ի Մասաչուսեթս նահանգի Ուոթերթաուն քաղաքում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար