ԱԲԵԼ ՄԽԻԹԱՐՅԱՆ

25 ապրիլ, 1804 - 22 սեպտեմբեր, 1873

Ծնվել է Վաղարշապատում (այժմ՝ Էջմիածին)։ Սովորել է տեղի Ժառանգավորաց վարժարանում, ապա դարձել Մայր աթոռի միաբանության անդամ, վարել հոգևոր ու կրթական պաշտոններ։ Եղել է Տրապիզոնի հոգևոր առաջնորդը, հիմնել «Թանգարան Հայկազյան» ընկերությունը։ Պաշւոոնավարել է նաև Կ.Պոլսում։ Աշխատակցել է «Կռունկ Հայոց աշխարհին», «Բանասեր», «Արարատ» և այլ պարբերականների։ Առանձին գրքերով հրատարակել է «Ճանապարհորդություն յԱնի» (1855թ.), «Պատմություն մենաստանին Հառիճո ի Շիրակ» (1856թ.), «Վեպ գաղթականության հայոց Տրապիզոնու» (1857թ.), «Անուշավան ի գերեվարս» (1860թ.), «Ճանապարհորդություն ի Դավրեժ» (1861թ.), «Հայոց ազգի քաղաքական վիճակը միջին դարերէն» (1862թ.), «Պատմութիւն ժողովոց Հայաստանեայց եկեղեցւոյ...» (1874թ.), «Վաղարշապատ քաղաքամայր Հայաստանի» (1874թ.), «Կաթուղիկէ Մայր եկեղեցի Վաղարշապատայ...» (1875) և այլ գործեր։ Մահացել է Վաղարշապատում (այժմ՝ Էջմիածին):