ԳԵՎՈՐԳ ՄԱՀՈՒԲ

Աշուղ

23 նոյեմբեր, 1857 - 4 մայիս, 1935

Գևորգ Մանուկյան

Ծնվել է Ղարաբոլլաղ (այժմ՝ ՀՀ Արագաշոտնի մարզի Երնջատափ) գյուղում: Եղել է հայկական աշուղական նոր դպրոցի վերջին ներկայացուցիչը: Աշակերտել է աշուղ Մահջուբին, որից ստացել է Մահուբի (արաբերեն՝ ուշիմ) աշուղական անունը: Շրջել է հիմնականում հայրենի գավառում, նաև՝ Արևմտյան Հայաստանում: Երգերը կատարել է ինքնաշեն ջութակի նվագակցությամբ: Ստեղծագործել է աշուղական գրեթե բոլոր ժանրերով: Երգերի մի մասը չի պահպանվել: Նրա գործերն առաջին անգամ լույս են տեսել 1912թ., Թիֆլիսում, «Մահուբի Գևորգի գլխի անցքերը և խրատական երգերը» (կազմել է Ե.Խաչատրյանը) խորագրով: Աշուղի ծննդյան 100-ամյակի կապակցությամբ, 1957թ. հրատարակվել է առավել համահավաք և ճշգրտված «Ջութակ» (կազմել է Ա.Սահակյանը) ժողովածուն: Աշուղի երգերի հիմնական թեման մարդն է, ընկերասիրությունը, ժողովուրդների բարեկամությունը, հայրենիքը: Նա փառաբանում է արդար վաստակով ապրող աշխատավորին, դատապարտում «գոռոզ ագետներին», պորտաբույծներին, ուրացողներին: Ճանաչված են նրա «Անցավոր աշխարհ», «Գործ չունիս», «Հայրենիք», «Աշխարհս երազ է», «Բախտ» և այլ երգեր: Մահացել է ՀՀ Արագածոտնի մարզի Երնջատափ գյուղում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար