Հակոբ Թերզյան

Հրապարակախոս, բանասեր, դեղագործ

Վիկտոր Լազարև

Արվեստաբան

Մարգարիտ Աթաբեկյան

Գրականագետ, թարգմանիչ

Վանցետի Դանիելյան

Կինոռեժիսոր

Էդուարդ Սադոյան

Կոմպոզիտոր

Ռաֆայել Ղազանչյան

Արձակագիր, լրագրող

Դավիթ Երևանցի

Քանդակագործ

Իգնատ Մամյան

Բանաստեղծ, արձակագիր

Արմինկա

Երգչուհի

Իշխան Գասպարյան

Պարային գործիչ

Միքայել Նավասարդյան

Թավջութակահար

Էմիլ Ներսիսյան

Բալետի արտիստ

 

 

 

 

ՎԱՐԴԱՆ ՄԵՇՏՈՒՃՅԱՆ

Արձակագիր, պատմաբան, թարգմանիչ

15 օգոստոս, 1869 - 10 փետրվար, 1942

Վիկտոր Մեշտուճյան

Ծնվել է Բուխարեստում: Նախնական կրթությունն ստացել է հոր՝ Գևորգ Մեշտուճյանի ղեկավարած հայկական դպրոցում, ապա հոր հետ տեղափոխվել է Կ.Պոլիս: Սովորել, ապա դասավանդել է Կ.Պոլսի Ենի-Գափու թաղամասում՝ հոր բացած «Մեշտուճյան վարժարանում», որտեղ երկար տարիներ եղել է պրոֆեսոր։ 1890-ական թվականների կեսին, հետապնդվելով թուրքական ոստիկանությունից, անցել է Բուլղարիայի Վառնա քաղաք, 1896-97թթ աշխատակցել «Իրավունք» թերթին, իսկ 1898թ. գրող Երուխանի հետ հիմնադրել «Շարժում» թերթը։ Ծավալել է հրապարակախոսական և քաղաքական գործունեություն, եղել Դաշնակցության անդամ: 1899թ. տեղափոխվել է Բուխարեստ, որտեղ ծավալել է լրագրողական ակտիվ գործունեություն։ 1906թ. հրատարակել է «Աուրորա», 1924-42թթ՝ «Արարատ» ռումիներեն հայագիտական ամսագրերը։ 1913-16թթ եղել է «Համշխարհային գրականություն» ամսագրի տնօրենը: Եղել է 1920թ. Բուխարեստում վերաբացված «Միսաքյան ազգային վարժարան»-ի տնօրենը, Հայոց ցեղասպանությունից (1915թ.) փրկված գաղթականների հարցերով զբաղվող «Ռումինիայի հայերի միության» ընդհանուր քարտուղարը, ապա՝ տնօրենը։ 1927թ. Բուխարեստում հիմնադրել է հայկական կենտրոնական գրադարանը: Համագործակցել է «Մասիս», «Փարոս» և «Նոր արշալույս» պարբերականների հետ: Հրապարակել է ռումիներեն «Նախագծեր և ֆիլմեր» (1913թ.) պատմվածքների ժողովածուն, «Ջետտա» (1916թ.) վեպը, «Բուխարեստ-Սահարա» (1913թ.), «Երուսաղեմ» (1914թ.) ուղեգրությունները, «Հայոց պատմություն» (հ.1-2, 1923-26թթ) պատմաքննական երկը։ Ռումիներեն է թարգմանել Հ.Զոհրաբյանի «Հայ եկեղեցու պատմությունը քրիստոնեության մուտքից մինչև մեր օրերը» (1934թ.), «Հայկական պատարագը» (1937թ.), կազմել և թարգմանել «Հայ բանաստեղծների փոքր ժողովածու»-ն (1934թ.)։ Ֆրանսերենից ռումիներեն է թարգմանել Վ.Հյուգոյի «Թշվառները» (1913թ.), Գ.դը Մոպասանի նովելներից։ Մահացել է Բուխարեստում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար