Դանիել Վարուժան

Բանաստեղծ

Պողոս Մակինցյան

Գրականագետ, թարգմանիչ, պետական գործիչ

Աշոտ Պատմագրյան

Երաժշտագետ, կոմպոզիտոր

Կարո Ղաֆադարյան

Հնագետ, պատմաբան, բանասեր

Հրաչյա Ռուխկյան

Գեղանկարիչ

Արմեն Վարդանյան

Գեղանկարիչ

Գրիգոր Հախինյան

Կոմպոզիտոր

Պերճ Ժամկոչյան

Երգեհոնահար

Սերգեյ Կարապետյան

Դուդուկահար

Արա Բերքյան

Ճարտարապետ

Սեյրան Խաթլամաջյան

Գեղանկարիչ, գրաֆիկ

Հրանտ Թադևոսյան

Գեղանկարիչ

Դոնարա Մկրտչյան

Դերասանուհի

Գագիկ Մանուկյան

Գեղանկարիչ

Վահագն Թևանյան

Բեմանկարիչ

Արմեն Գևորգյան

Բալետի արտիստ

Վահագն Զաքարյան

Հաղորդավար, լրագրող

Գուրգեն Ջանիբեկյան

Կինոռեժիսոր, կինոօպերատոր

 

 

 

 

ԷԴՈՒԱՐԴ ՀՅՈՒՐՄՅՈՒԶՅԱՆ

Բանաստեղծ, բանասեր, լեզվաբան, թարգմանիչ

22 հունվար, 1799 - 26 հոկտեմբեր, 1876

Ծնվել է Կոստանդնուպոլսում: Եղել է թարգմանիչ, եկեղեցական, մշակութային գործիչ Գևորգ Հյումյուզյանի եղբայրը: Եղել է հայկական կլասիցիզմի ներկայացուցիչ: Կրթությունն ստացել է Վենետիկում: 1819թ-ից եղել է Մխիթարյան միաբանության անդամ, 14 տարի՝ միաբանության գործակալը Հռոմում: Շուրջ 30 տարի ուսուցիչ, ապա վերակացու է եղել Հռոմի հայկական վարժարանում: Նրա «Առձեռն ճարտասանութիւն» (1839թ.) և «Առձեռն բանաստեղծութիւն» (1839թ.) աշխատությունները հայ պոեզիայի և հռետորական խոսքի օրինաչափությունները բացահայտելու առաջին փորձերը եղան: «Բուրաստանք» չափածո գործում (1851թ.), Վիրգիլիոսի «Մշակականք»-ի հետևությամբ, նկարագրել է Հայաստանի բուսական աշխարհը: Գրել է նաև երգ, ներբող, ուղերձ, մշակել Աստվածաշնչից վերցված դրվագներ, որոնց մի մասը տպագրվել է «Բազմավեպ»-ում (երբեմն Վրույր, Վրույր Որմզդանեան կեղծանուններով): Մեծ դեր է խաղացել հայոց լեզուն (գրաբարը) օտարամուծություններից մաքրելու գործում («Դուռն քերականութեան հայկազնեան լեզուի», 1833թ., «Քերականութիւն գործնական, քիչ ատենի մէջ շարադրութեան վարժելու համար», 1836թ. և այլն): Հեղինակել է «Ցաւարտ տպագրութեան մեծի հայ բառագրոց» (1838թ.), «Առձեռն դիցաբանութիւն կամ Առասպելախառն վէպք...» (1840թ.), «Մաղթանք չափաւ» (1843թ.), «Առակացն գիրք երկեակ» (1865թ.), «Ծաղկաքաղ քերթուածք» (1878թ.) և այլ աշխատություններ: Ունի նաև տեսական-աստվածաբանական գործեր: Թարգմանել է Վ.Ալֆիերիի, Ա.Մանցոնիի, Պ.Մետաստազիոյի, Պ.Վիրգիլիոսի, Վ.Մոնտի, Ժ.Ռասինի ստեղծագործություններից: Մահացել է Հռոմում:

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար