Գալուստ Շերմազանյան

Բանահավաք, դրամատուրգ

Գարեգին Սրվանձտյան

Ազգագրագետ, եկեղեցական գործիչ, բանասեր-բանահավաք

Միքայել Փորթուգալ

Բանասեր, հայագետ

Մամիկոն Գևորգյան

Դրամատուրգ, թարգմանիչ

Մուշեղ Աղայան

Կոմպոզիտոր, երաժշտագետ

Տիրան Երկանյան

Ճարտարապետ

Արշալույս Արշարունի

Բանաստեղծ, գրականագետ, թատերագետ

Սերգեյ Սարինյան

Գրականագետ

Առաքել Առաքելյան

Գեղանկարիչ

Սերժ Առաքելյան

Բանաստեղծ, լրագրող

Արմեն Սմբատյան

Կոմպոզիտոր

Արմեն Միրաքյան

Օպերային երգիչ

 

 

 

 

ԼԻԼԻ ՉՈՒՔԱՍԶՅԱՆ

Օպերային երգչուհի

1 օգոստոս, 1921 - 9 ապրիլ, 2012

Ծնվել է Չիկագոյում: Մանկուց երգել է երաժշտական երեկույթներում, դպրոցական համերգներում, տոնական միջոցառումների ժամանակ: Աշակերտել է հայտնի երաժիշտ Ֆիլիպ Մանուելին: 1950-ականներին երգել է հայկական եկեղեցիների երգչախմբերում: 1959թ. հանդես է եկել Լիթլ Ռոք քաղաքի օպերային թատրոնում և արժանացել է մեծ ճանաչման: Երգել է նաև Արկանզասի, Բալթիմորի օպերային թատրոններում: 1961թ. կոմպոզիտոր Ջանկառլո Մենոտտին երգչուհուն հրավիրել է երգելու Իտալիայի Ապոլետոյի փառատոնում, որտեղ հասել է մեծ հաջողության: 1962-86թթ եղել է Նյու Յորքի «Մետրոպոլիտեն» օպերային թատրոնի մեներգչուհի, 1980-ականների վերջից՝ խորհրդատու: Դասավանդել է Յեյլի համալսարանում: Կատարել է շուրջ 30 գլխավոր դերերգեր: Հանդես է եկել հետևյալ օպերաներում՝ Բելլինիի «Նորմա» (Նորմա), Ջ.Վերդիի «Աիդա» (Ամներիս), «Տրուբադուր» (Ազուչենա), Մենոտտիի «Մեդիում» (Ֆլորա), Սանսի «Սամսոն և Դալիլա» (Դալիլա) և այլն: Համերգներով ելույթներ է ունեցել աշխարհի լավագույն նվագախմբերի և անվանի դիրիժորների (Լ.Ստոկովսկի, Լ.Բեռնստայն, Հ.Կարայան) հետ: Բացառիկ ձայնածավալի շնորհիվ տարբեր ոճերի երգերի (Բախ, Շուբերտ, Բրամս) հետ երկացանկում ունեցել է նաև մեծակտավ գործեր՝ Բախի պասսիոններ, կանտատներ, օրատորիա, Հենդելի «Մեսսան», Մոցարտի, Վերդիի «Ռեքվիեմ», Պերգոլեզիի և Ռոսսինիի «Ստաբատ մատեր» և այլն: Կատարել է նաև հայկական երգեր (Կոմիտասի «Կռունկ», Ա.Սպենդիարյանի «Օրորոցային» և այլն): 1967թ. հանդես է եկել Երևանի Ա.Սպենդիարյանի անվան օպերայի և բալետի թատրոնում, որտեղ կատարել է Փառանձեմի (Տ.Չուխաճյանի «Արշակ Երկրորդ»), Ամներիսի (Ջ.Վերդիի «Աիդա») դերերգերը: 1978թ. Վաշինգտոնում` Սպիտակ Տանը, երգել է հայերեն: 1981թ. արժանացել է ՀՀ մշակույթի նախարարության Պ.Ադամյանի անվան մրցանակին, 2002թ.՝ Յեյլի համալսարանի «Սանֆորդի» մեդալի: Մահացել է ԱՄՆ-ի Բրանֆորդ քաղաքում:


ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար