Գրիգոր Օշականցի

Բանաստեղծ, հնագետ, եկեղեցական գործիչ

Փիլիպոս Վարդազարյան

Հրատարակիչ, մշակութային գործիչ

Նիկիտա Բալիև

Դերասան, բեմադրիչ, թատերական գործիչ

Հակոբ Մնձուրի

Արձակագիր

Զարեհ Խրախունի

Բանաստեղծ

Ալինա Փահլևանյան

Երաժշտագետ

Հակոբ Չոլաքյան

Ազգագրագետ, բանաստեղծ, գրականագետ, լեզվաբան

Գագիկ Գյուրջյան

Ճարտարապետ

Արմեն Ադամյան

Կիթառահար, երգիչ

Գագիկ Սիրավյան

Գեղանկարիչ

 

 

 

 

ՀԱՄԱԶԱՍՊ ՀԱՄԲԱՐՁՈՒՄՅԱՆ

Թարգմանիչ, գրականագետ

25 սեպտեմբեր, 1880 - 3 փետրվար, 1965

Ծնվել է Հայաստանի Բասարգեչար գյուղում (այժմ՝ քաղաք Վարդենիս): Սկզբնական կրթությունն ստացել է ծննդավայրում, ապա մեկ տարի սովորել Երևանի թեմական դպրոցում: 1887թ. ավարտել է Թիֆլիսի Ներսիսյան դպրոցը և մեկնել Մոսկվա, շարունակել ուսումը Լազարյան ճեմարանում, որտեղ ուսուցանել է Կարապետ Կուսիկյանի, Գրիգոր Խալաթյանի մոտ։ 1900թ. ավարտելով մեկնել է Թիֆլիս, մեկ տարի սովորել է տեղի երկրորդ արական գիմնազիայում։ 1902-08թթ սովորել է Պետերբուրգի համալսարանի իրավաբանական ֆակուլտետում: Բացի ռուսերենից տիրապետել է նաև հին հունարենին և լատիներենին: 1908թ. վերադառնալով Կովկաս՝ մինչև 1911թ. զբաղվել է իրավաբանությամբ, հետո զբաղվել է մանկավարժությամբ, դասավանդել է Թիֆլիսի միջնակարգ դպրոցում։ Աշխատակցել է «Մշակ», «Բանբեր», «Գործ», «Հորիզոն» և այլ պարբերականների, որտեղ լույս են տեսել նրա հրապարակապոսական հոդվածներն ու բանաստեղծությունները: 1925թ. մեկնել է Պետերբուրգ՝ դասավանդելու տեղի համալսարանում։ 1927-28թթ Վիեննայում տպագրել է իր բանաստեղծությունները երեք հատորով, մեկ հատորով էլ հրատարակել է ռուսերեն բանաստեղծությունները։ Անտիկ գրականություն է դասավանդել Երևանի պետական համալսարանում։ Լույս է ընծայել «Արյունէջեր» (1903թ.), «Անհունի էջերում» (1904թ.), «Հպարտ հոգու երգերից» (1905թ.) գրքերը: 1904թ. ռուսերեն հրատարակվել է նրա «Նահապետ Քուչակ. «Սիրո երգեր» գիրքը: Թարգմանել է Բայրոնի, Հայնեի, Լերմոնտովի, Նադսոնի, Գորկու և այլոց երկերից, հին հունական բնագրից՝ «Հույն ողբերգակներ»-ը (1950թ.), «Իլիական»-ը (1955թ.): 1964թ. լույս է տեսել նրա «Մտորումներ Հոմերոսի մասին» գիրքը: 1953թ. ստացել է բանասիրական գիտությունների դոկտորի գիտական աստիճան (1954թ-ից՝ պրոֆեսոր): 1962թ. արժանացել է Հայաստանի գիտության վաստակավոր գործչի կոչման: Մահացել է Երևանում, թաղված է Բյուրականում: Համազասպ Համբարձումյանի անունով դպրոց է կոչվել ՀՀ Վարդենիս քաղաքում։

ԲԱԺԻՆՆԵՐ


ՄԱՍՆԱԿՑԻՐ ՔԱՍԹԻՆԳԻ


Նկարահանման փորձ
Կցել նկար